ദുബൈ: തൊഴിലാളികൾ താമസിക്കുന്ന കെട്ടിടങ്ങളിലെ ആരോഗ്യ–സുരക്ഷാ നിലവാരം വർധിപ്പിക്കാൻ പുതിയ മാനദണ്ഡങ്ങൾ പ്രഖ്യാപിച്ച് ദുബൈ മുനിസിപ്പാലിറ്റി. ലേബർ അക്കമഡേഷൻ കോംപ്ലയൻസ് ടെക്നിക്കൽ ഗൈഡ്‌ലൈനുകൾ എന്ന പേരിലാണ് മാർഗനിർദേശങ്ങൾ പുറത്തിറക്കിയിരിക്കുന്നത്. പൊ​തു​ജ​നാ​രോ​ഗ്യ​വും സു​ര​ക്ഷ​യും ഉറപ്പാക്കാനും കൂടുതൽ തൊഴിലാളി സൗഹൃദ അന്തരീക്ഷം സൃഷ്ടിക്കുന്നതിന്റെയും ഭാഗമായി ആണ് നടപടി.

ആ​സ്​​ബ​റ്റോ​സ്​ അ​ല്ലെ​ങ്കി​ൽ ആ​രോ​ഗ്യ​ത്തി​ന്​ ഭീ​ഷ​ണി​യാ​കു​ന്ന വ​സ്തു​ക്ക​ൾ തൊഴിലാളികൾ താമസിക്കുന്ന കെട്ടിടത്തിൽ ഉ​പ​യോ​ഗി​ക്കാ​ൻ പാ​ടി​ല്ല. വളരെ വേഗം വൃ​ത്തി​യാ​ക്കാ​നും ക​ഴു​കാ​നും ക​ഴി​യു​ന്ന​ രീതിയിൽ വേണം ത​റ​ ഒരുക്കേണ്ടത്. തറയിൽ വി​ള്ള​ലു​ക​ളും ദ്വാ​ര​ങ്ങ​ളും ഉണ്ടാകാൻ പാടില്ല.

റെ​സി​ഡ​ൻ​ഷ്യ​ൽ കെ​ട്ടി​ട​ങ്ങ​ൾ​ക്ക് സമാനമായ സാ​ങ്കേ​തി​ക, വാ​സ്തു​വി​ദ്യാ മാ​ന​ദ​ണ്ഡ​ങ്ങൾ പാലിച്ച് വേണം കെട്ടിടങ്ങൾ പണിയാൻ. വെ​ളി​ച്ചം, വാ​യു​സ​ഞ്ചാ​രം, വൈ​ദ്യു​തി, ആ​രോ​ഗ്യ, പാ​രി​സ്ഥി​തി​ക സാ​ഹ​ച​ര്യ​ങ്ങ​ൾ എന്നി സാഹചര്യങ്ങളിൽ എങ്ങനെ വേണം കെട്ടിടം നിർമ്മിക്കാൻ എന്നതും പുതുക്കിയ ഗൈഡ്‌ലൈനുകളിൽ വിശദീകരിക്കുന്നുണ്ട്.

എമിറേറ്റ്സിൽ പ്ര​വ​ർ​ത്തി​ക്കു​ന്ന മുഴുവൻ തൊഴിലാളി താ​മ​സ​കേ​ന്ദ്ര​ങ്ങ​ൾ​ക്കും പു​തു​ക്കി​യ മാ​ർ​ഗ​നി​ർ​ദേ​ശ​ങ്ങ​ൾ ബാ​ധ​ക​മാ​ണ്. താ​മ​സ​കേ​ന്ദ്ര​ങ്ങ​ളു​ടെ ന​ട​ത്തി​പ്പി​ന്​​ ബ​ന്ധ​പ്പെ​ട്ട അ​തോ​റി​റ്റി​ക​ളി​ൽ നിന്ന് മുൻകൂട്ടി അനുമതി വാങ്ങണമെന്നും അധികൃതർ ഓർമിപ്പിച്ചു.