ദുബൈ: ടാ​ക്സി ഡ്രൈ​വ​ർ​മാ​രെ ആ​ദ​രി​ച്ച്​ ദുബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ ടി എ). റോഡ് നിയമങ്ങളും നി​ർ​ദേ​ശ​ങ്ങ​ളും പാലിച്ച് കൃത്യതയോടെ വാഹനമോടിച്ചതിനാണ് ന​ഗ​ര​ത്തി​ലെ 2172 ടാ​ക്സി ഡ്രൈ​വ​ർ​മാ​രെ അധികൃതർ ആദരിച്ചത്. യാത്രക്കാർക്ക് മി​ക​ച്ച സേ​വ​നം ന​ൽ​കാ​ൻ ഡ്രൈ​വ​ർ​മാ​രെ പ്രോ​ത്സാ​ഹി​പ്പി​ക്കുന്നതിന്റെ ഭാഗമായി ആണ് നടപടിയെന്ന് അധികൃതർ വിശദീകരിച്ചു.

ക​ഴി​ഞ്ഞ ഒ​ന്ന​ര വ​ർ​ഷ​ത്തെ പ്ര​വ​ർ​ത്ത​ന കാ​ല​യ​ള​വ് വിലയിരുത്തിയാണ് സർക്കാർ ഇവരെ തെരഞ്ഞെടുത്തത്. ഈ ആദരവ് മി​ക​ച്ച സേ​വ​നം ല​ഭ്യ​മാ​ക്കു​ന്ന​തി​ന്​ ഡ്രൈ​വ​ർ​മാ​ർ​ക്കി​ട​യി​ലും ക​മ്പ​നി​ക​ൾ​ക്കി​ട​യി​ലും ആ​രോ​ഗ്യ​ക​ര​മാ​യ മ​ത്സ​രം രൂ​പ​പ്പെ​ടു​ത്തുമെന്ന് ​ ആ​ർ ടി എ​യു​ടെ പൊ​തു ഗ​താ​ഗ​ത ഏ​ജ​ൻ​സി സി ​ഇ ഒ അ​ഹ​മ്മ​ദ്​ ബ​ഹ്​​റോ​സി​യാ​ൻ പ​റ​ഞ്ഞു. ടാക്സി ഡ്രൈവർമാരുടെ നല്ല പ്രവർത്തികൾ ഉ​പ​ഭോ​ക്താ​ക്ക​ളു​ടെ സം​തൃ​പ്തി വ​ർ​ധി​പ്പി​ച്ചതായും അത് വഴി ജനങ്ങളുടെ ജീ​വി​ത ഗു​ണ​നി​ല​വാ​രം ഉയർത്താനായെന്നും അദ്ദേഹം വ്യക്തമാക്കി.

ട്രാഫിക് നി​യ​മ​ങ്ങ​ൾ പാ​ലി​ക്കു​ക, വാ​ഹ​ന​ത്തി​ന്‍റെ ശു​ചി​ത്വം ഉ​റ​പ്പു​വ​രു​ത്തുക, മ​റ​ന്നു​വെ​ക്കു​ന്ന വ​സ്തു​ക്ക​ൾ യ​ഥാ​ർ​ഥ ഉ​ട​മ​ക​ൾ​ക്ക്​ തി​രി​ച്ചു ​നൽകാൻ ഡ്രൈ​വ​ർ​മാ​രെ പ്ര​ചോ​ദി​പ്പി​ക്കു​ക​ എന്നിവയാണ് ഈ ആദരവ് കൊണ്ട് ലക്ഷ്യമിടുന്നത്. മുൻ വർഷങ്ങളെ അപേക്ഷിച്ചു ദുബൈയിൽ ടാക്സി സേവനങ്ങൾ ഉപയോഗിക്കുന്ന ആളുകളുടെ എണ്ണത്തിൽ വൻ വർധനവ് ആണ് ഈ വർഷം രേഖപ്പെടുത്തിതെന്ന് ആർ ടി എ അറിയിച്ചു.