കുവൈത്ത് സിറ്റി: രാ​ജ്യ​ത്ത് പു​തി​യതായി നടപ്പിലാക്കിയ ഗ​താ​ഗ​ത നി​യ​മം വ​ൻ വി​ജ​യമാണെന്ന് കുവൈത്ത് സർക്കാർ. നി​യ​മ​ങ്ങ​ൾ ​ ക​ർ​ശ​ന​മാ​ക്കി​യ​തോ​ടെ റോ​ഡ​പ​ക​ട മ​ര​ണ​ങ്ങ​ളുടെ എണ്ണം കുറഞ്ഞു. ഈ ​വർഷമുണ്ടായ വാ​ഹ​നാ​പ​ക​ട​ങ്ങ​ളി​ൽ 94 പേരാണ് മ​രി​ച്ച​ത്. ക​ഴി​ഞ്ഞ വ​ർ​ഷം ഇ​തേ കാ​ല​യ​ള​വി​ൽ മ​രി​ച്ച​വ​രു​ടെ എ​ണ്ണം 143 ആ​യി​രു​ന്നു. ജനങ്ങൾ നിയമങ്ങളുമായി സഹകരിച്ചതോടെയാണ് റോഡുകളിൽ അപകടങ്ങൾ കുറഞ്ഞതെന്ന് ജ​ന​റ​ൽ ട്രാ​ഫി​ക് ഡി​പ്പാ​ർ​ട്മെ​ന്റ് അധികൃതർ വ്യക്തമാക്കി.

സ​മൂ​ഹ​ത്തി​ലെ എ​ല്ലാ വി​ഭാ​ഗ​ങ്ങ​ൾ​ക്കി​ട​യി​ലും ട്രാ​ഫി​ക് സം​സ്‌​കാ​രം പ്രോ​ത്സാ​ഹി​പ്പി​ക്കു​ന്ന​തി​നും ട്രാ​ഫി​ക് സം​വി​ധാ​ന​ത്തി​ന്റെ കാ​ര്യ​ക്ഷ​മ​ത വ​ർ​ധി​പ്പി​ക്കു​ന്നതിനും ആവശ്യമായ നടപടികൾ സ്വീകരിച്ചു വരുകയാണ്. ജനങ്ങളുടെ പിന്തുണ ഇനിയും തുടരണമെന്നും അതിലൂടെ എല്ലാവർക്കും അപകട രഹിതമായി യാത്ര ചെയ്യാൻ കഴിയുമെന്നും ജ​ന​റ​ൽ ട്രാ​ഫി​ക് ഡി​പ്പാ​ർ​ട്മെ​ന്റ് അറിയിച്ചു.

റോ​ഡ് സു​ര​ക്ഷ വ​ർ​ധി​പ്പിക്കുക,നി​യ​മ​ലം​ഘ​ന​ങ്ങ​ൾ കു​റ​ക്കുക, അ​പ​ക​ട​ക​ര​മാ​യ ഡ്രൈ​വി​ങ് ശീ​ല​ങ്ങ​ൾ അവസാനിപ്പിക്കുക എന്നിവ ലക്ഷ്യമിട്ടാണ് പു​തി​യ ഗ​താ​ഗ​ത നി​യ​മം കുവൈത്ത് നടപ്പിലാക്കിയത്. ​നി​യ​മ​ലം​ഘ​ന​ങ്ങൾക്കുള്ള പി​ഴ​ക​ളി​ലും വ​ൻ വ​ർ​ധ​ന​വ് വരുത്തിയിരുന്നു. ഈ ​വ​ർ​ഷം ഏ​പ്രി​ൽ 22നാ​ണ് പുതിയ നിയമം പ്രാബല്യത്തിൽ വന്നത്.