കുവൈത്ത് സിറ്റി: മ​യ​ക്കു​മ​രു​ന്ന് ക​ട​ത്തു​കാ​ർ​ക്ക് ക​ന​ത്ത ശി​ക്ഷ ഉറപ്പാക്കുന്നതിനായി കുവൈത്ത് സർക്കാർ കൊണ്ട് വന്ന പുതിയ നിയമം ഡിസംബർ 15 മുതൽ പ്രാബല്യത്തിലാക്കുമെന്ന് അധികൃതർ. ഇതോടെ മ​യ​ക്കു​മ​രു​ന്നുമായി ബന്ധപ്പെട്ട കേസുകളിൽ വ​ധ​ശി​ക്ഷ​യും,പി​ഴ​യും ഉ​ൾ​പ്പെ​ടെയുള്ള കടുത്ത ശിക്ഷകളാണ് ഇനിമുതൽ ലഭിക്കുക.

മുൻപ് പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് അ​ബ്ദു​ല്ല അ​ൽ അ​ഹ​മ്മ​ദ് അ​സ്സ​ബാ​ഹി​ന്റെ അ​ധ്യ​ക്ഷ​ത​യി​ൽ ചേർന്ന മന്ത്രി സഭാ യോഗത്തിലാണ് നി​യ​മം പാ​സാ​ക്കി​യ​ത്.

രാ​ജ്യ​ത്ത് നി​ന്ന് ല​ഹ​രി​വ​സ്തു​ക്ക​ൾ പൂ​ർ​ണ​മാ​യും ഒഴിവാക്കാനും ലഹരി മ​രു​ന്നി​ന്റെ ഉ​പ​യോ​ഗ​വും വ്യാ​പാ​ര​വും നി​യ​ന്ത്രി​ക്കു​ന്നതിനും പുതിയ നിയമത്തിലൂടെ സാധിക്കുമെന്നാണ് വിലയിരുത്തൽ. ലഹരി ​മ​രു​ന്നിന്റെ ഉ​പ​യോ​ഗ​വും ക​ട​ത്തും നി​യ​ന്ത്രി​ക്കു​ന്ന​തുമായി ബന്ധപ്പെട്ട രണ്ട് നിയമങ്ങൾ രാജ്യത്ത് നിലനിന്നിരുന്നു.

ഇവ ല​യി​പ്പി​ച്ചാ​ണ് പു​തി​യ നി​യ​മം നിർമിച്ചത്. ഇതിലൂടെ ക​ള്ള​ക്ക​ട​ത്തു​കാ​ർ,വി​ത​ര​ണ​ക്കാ​ർ,ല​ഹ​രി​വ​സ്തു​ക്ക​ൾ കൈ​മാ​റ്റം ചെ​യ്യു​ന്ന​വ​ർ എ​ന്നി​വ​ർ​ക്ക് ക​ന​ത്ത പി​ഴ​ക്കൊ​പ്പം വ​ധ​ശി​ക്ഷ​ വരെ ലഭിക്കാവുന്ന തരത്തിലാണ് പുതിയ നിയമം രൂപീകരിച്ചിരിക്കുന്നത്.

സമീപകാലത്ത് കുവൈത്ത് സുരക്ഷാ ഏജൻസികൾ നിരവധി മയക്കുമരുന്ന് കടത്തൽ ശ്രമങ്ങൾ പരാജയപ്പെടുത്തുകയും വലിയ അളവിൽ മയക്കുമരുന്ന് പിടികൂടുകയും ചെയ്തിരുന്നു. പുതിയ നിയമം ക്രിമിനൽ നെറ്റ് വർക്ക് എതിരെ കൂടുതൽ ശക്തമായ നിയമനടപടികൾ സ്വീകരിക്കാൻ സഹായിക്കുമെന്ന് ആഭ്യന്തരമന്ത്രി ശൈഖ് ഫഹദ് യൂസഫ് സൗദ് അൽ-സബാഹ് വ്യക്തമാക്കി.