കാസര്‍കോട്: കാഞ്ഞങ്ങാട് ചിത്താരി സ്വദേശിയായ യുവാവിനെ ദുബൈയില്‍ കാറില്‍ മരിച്ച നിലയില്‍ കണ്ടെത്തി. നോര്‍ത്ത് ചിത്താരി മീത്തല്‍ ടി.വി. ഫിറോസ് (32)ആണ് മരിച്ചത്. ഹൃദയാഘാതത്തെ തുടര്‍ന്നു മരിച്ചതായാണ് വിവരം.

യുവാവിനെ കാണാത്തതിനെ തുടര്‍ന്ന് ദുബൈയിലുള്ള ബന്ധുക്കളും സുഹൃത്തുക്കളും നടത്തിയ തിരച്ചിലില്‍ ദുബൈയില്‍ നടത്തിവരുന്ന സൂപ്പര്‍ മാര്‍ക്കറ്റിന്റെ പാര്‍ക്കിങ്ങില്‍ രാത്രി 9 ഓടെ കാറില്‍ ചാരി കിടന്ന നിലയിലായിരുന്നു.

പൊലീസ് എത്തി കാറിന്റെ ഗ്ലാസ് പൊളിച്ച് ആശുപത്രിയിലെത്തിച്ചെങ്കിലും മരിച്ചിരുന്നു. സഹോദരങ്ങളായ അഷറഫ്, സൈനുദ്ദീന്‍ എന്നിവര്‍ക്കൊപ്പം ദുബൈയില്‍ സൂപ്പര്‍ മാര്‍ക്കറ്റ് നടത്തി വരികയായിരുന്നു.