ദുബൈ: ടാ​ക്സി സേ​വ​ന​ങ്ങ​ൾ മികച്ചതാക്കാൻ 28 പ​ദ്ധ​തി​ക​ൾ ന​ട​പ്പി​ലാ​ക്കിയതായി ​ ദുബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ ടി ​എ). സേവന നിലവാരം ഉയർത്തുന്നതിന്റെ ഭാഗമായി 8 മില്യൺ ദിർഹത്തിലധികം വിലമതിക്കുന്ന പ്രോത്സാഹന സമ്മാന പദ്ധതികൾ ആവിഷ്ക്കരിച്ചു.

ഡ്രൈ​വ​ർ​മാ​ർ, ഫ്രാ​ഞ്ചൈ​​സി ക​മ്പ​നി​ക​ൾ എന്നിവരെ ലക്ഷ്യമിട്ടാണ് പദ്ധതി നടപ്പിലാക്കിയത്. ഇതിലൂടെ സേവന നിലവാരം ഉയർത്താൻ കഴിയുമെന്നും അധികൃതർ വ്യക്തമാക്കി.

വാഹനങ്ങളിലെ വായു ഗുണനിലവാരം തത്സമയം നിരീക്ഷിക്കുന്നതിന് വേണ്ടി സെൻസറുകൾ സ്ഥാപിക്കുക, ടാക്സിയുടെ പ്രവർത്തനം നിരീക്ഷിക്കുക, മാറുന്ന കാലാവസ്ഥയ്ക്ക് അനുയോജ്യമായ തുണി ഉപയോഗിച്ച് ഡ്രൈവർമാർക്ക് യൂണിഫോമുകൾ നൽകുക തുടങ്ങിയയാണ് നടപ്പാക്കിയ പ്രധാന നടപടികൾ.

യാത്രക്കാർക്ക് മികച്ച യാത്ര അനുഭവം ഒരുക്കാനായി മി​ക​ച്ച​യി​നം ല​ത​ർ ഉ​പ​യോ​ഗി​ച്ചു സീറ്റുകൾ നവീകരിച്ചു. എയർ ഫ്രെഷനറുകൾ പ്രവർത്തനക്ഷമമാണെന്ന് ഉറപ്പ് വരുത്തുക,ഓരോ ട്രിപ്പ് കഴിയുമ്പോഴും സേവന ഗുണനിലവാരം രേഖപ്പെടുത്താൻ യാത്രക്കാർക്ക് അവസരമൊരുക്കുക തുടങ്ങിയ പദ്ധതികളും നടപ്പിലാക്കി.

ദുബൈ റോ​ഡ്​ ഗ​താ​ഗ​ത അ​തോ​റി​റ്റിയുടെ നിർദേശങ്ങൾ പാലിക്കുന്ന ഡ്രൈ​വ​ർ​മാ​ർ, ഫ്രാ​ഞ്ചൈ​​സി ക​മ്പ​നി​ക​ൾ എന്നിവർക്ക് വിവിധ മാനദണ്ഡങ്ങൾ അനുസരിച്ചാണ് 8 മില്യൺ ദിർഹത്തിലധികം വിലമതിക്കുന്ന പ്രോത്സാഹന സമ്മാനങ്ങൾ നൽകുക.

ഈ ​വ​ർ​ഷം മൂ​ന്നാം പാ​ദ​ത്തോ​ടെ പ​ദ്ധ​തി​ക​ളു​ടെ 89.8 ശ​ത​മാ​നം പൂർത്തീകരിച്ചു. ദുബൈയിലെ ജനങ്ങളുടെ ജീവിത നിലവാരം ഉയർത്താനായി സർക്കാർ നിരവധി പദ്ധതികളാണ് ആവിഷ്കരിക്കുന്നത്. അതിന്റെ ഭാഗമായി ആണ് വലിയ സമ്മാനത്തുക പ്രഖ്യാപിച്ചതെന്നും ആ​ർ ടി എ പൊ​തു​ഗ​താ​ഗ​ത ഏ​ജ​ൻ​സി​യി​ലെ പ്ലാ​നി​ങ്​ ആ​ൻ​ഡ്​ ബി​സി​ന​സ്​ ഡെ​വ​ല​പ്​​മെ​ന്‍റ്​ ഡ​യ​റ​ക്ട​ർ ആ​ദി​ൽ ശ​ക്​​രി പ​റ​ഞ്ഞു.