റിയാദ്: രാജ്യത്തിന്റെ സ​മു​ദ്രാ​തി​ർ​ത്തി സംരക്ഷിക്കാൻ വനിതകളെ നിയോഗിച്ച് സൗദി അറേബ്യ. ലിംഗ സമത്വവുമായി ബന്ധപ്പെട്ട് സൗദിയുടെ 2030ലെ ലക്ഷ്യങ്ങളുടെ ഭാഗമായി ആണ് ഈ നടപടി. 178 കി​ലോ​മീ​റ്റ​ർ നീളമുള്ള ചെ​ങ്ക​ട​ൽ തീ​ര​വും ക​ട​ലി​ലെ സൗ​ദി അ​തി​ർ​ത്തി​യുടെയും സംരക്ഷണത്തിനായി ഇവർ ഉണ്ടാകും. അ​മീ​ർ മു​ഹ​മ്മ​ദ് ബി​ൻ സ​ൽ​മാ​ൻ റോ​യ​ൽ റി​സ​ർ​വ് സം​ഘ​ത്തി​ന്റെ അംഗങ്ങളാണ് ഇവർ. മി​ഡി​ൽ ഈ​സ്​​റ്റി​ലെ തന്നെ ആ​ദ്യ​ത്തെ ഫീ​മെ​യി​ൽ സീ ​റേ​ഞ്ച​ർ പൊലീസ് സംഘം എന്ന ബഹുമതിയും ഇവർ സ്വന്തമാക്കി.

മ​റൈ​ൻ റേ​ഞ്ച​ർ​മാ​രു​ടെ ഈ സം​ഘ​ത്തി​ലു​ള്ള​ത് ഏ​ഴു വ​നി​ത​ക​ളാ​ണ്. രാജ്യത്തെ ആദ്യ വനിതാ റേ​ഞ്ച​റായ റു​ഖ​യ്യ അ​വാ​ദ് അ​ൽ ബ​ലാ​വി​യു​ടെ നേതൃത്വത്തിലാണ് സംഘം പ്രവർത്തിക്കുന്നത്. നീ​ന്ത​ൽ,ആ​യു​ധ ഉ​പ​യോഗം എന്നിവയിൽ അ​തി​ക​ഠി​ന​മാ​യ പ​രി​ശീ​ല​നം പൂ​ർ​ത്തി​യാ​ക്കി​യവരാണ് സംഘത്തിലെ അംഗങ്ങൾ.

ഇവർക്ക് പ്ര​ഥ​മ​ശു​ശ്രൂ​ഷ, സ്വ​യം പ്ര​തി​രോ​ധം, സം​ര​ക്ഷ​ണ സാ​ങ്കേ​തി​ക വി​ദ്യ​ക​ൾ തുടങ്ങിയ കാര്യങ്ങളിൽ പ്രത്യേക പരീശീലനവും നൽകിയിട്ടുണ്ട്. ക​ട​ലി​ൽ നീ​ന്തു​ന്ന​തി​നും ജോ​ലി​ചെ​യ്യു​ന്ന​തി​നും ശാ​രീ​രി​ക​വും സാ​ങ്കേ​തി​ക​വു​മാ​യ ക​ഴി​വു​ക​ൾ നേടുക എന്നതായിരുന്നു ഇവർക്ക് മുന്നിൽ ഉണ്ടായിരുന്ന വെല്ലുവിളി. മാ​സ​ങ്ങ​ളോ​ളം ഇവരുടെ ഫി​റ്റ്ന​സുമായി ബന്ധപ്പെട്ട പരിശോധനകൾ പൂർത്തിയാക്കിയതിനു ശേഷമാണ് ഇവരെ ദൗത്യത്തിനായി നിയോഗിച്ചത്.

തീ​ര​പ്ര​ദേ​ശ​ത്ത് പട്രോ​ളി​ങ്​ ന​ട​ത്തു​ക, സ​മു​ദ്ര ​ജീ​വി​ക​ളെ നി​രീ​ക്ഷി​ക്കു​ക, സ​മു​ദ്ര ഗവേഷണങ്ങൾക്കായി സഹായം ചെയ്യുക തുടങ്ങിയവയാണ് വനിതാ മ​റൈ​ൻ റേ​ഞ്ച​ർ​മാ​രു​ടെ ദൗ​ത്യം. വനിതാ സംഘത്തിന്റെ നിയമനത്തോടെ കൂ​ടു​ത​ൽ സ്ത്രീ​ക​ൾ സാ​ഹ​സി​ത നിറഞ്ഞ ഈ ജോലികൾ ചെയ്യാനായി മുന്നോട്ട് വരുമെന്നാണ് പ്രതീക്ഷിക്കുന്നത് എന്ന് അ​ധി​കൃ​ത​ർ വ്യക്തമാക്കി.