സൗദിയില്‍ സി​നിമ വന്‍ ഹിറ്റ്, ആറു മാസത്തിനിടെ ​100 മില്യൺ റിയാൽ വരുമാനം

റിയാദ്: സി​നി​മാ വ്യ​വ​സാ​യ​ത്തി​​ലൂടെ വൻ സാമ്പത്തിക നേട്ടമുണ്ടാക്കി സൗദി അറേബ്യ. കഴിഞ്ഞ ആറ് മാസത്തിനിടെ 100 മില്യൺ റിയാലാണ് ടിക്കറ്റ് വില്പനയിലൂടെ ലഭിച്ചത് എന്ന് സൗ​ദി ഫി​ലിം കമ്മീഷൻ അറിയിച്ചു. സി​നി​മാ വ്യ​വ​സാ​യ​ത്തി​​ന്റെ വേഗത്തിലുള്ള വളർച്ചയും, സിനിമകളിലെ ഉള്ളടക്കത്തിലുള്ള ജനങ്ങളുടെ വിശ്വാസത്തെയും പ്രതിഫലിപ്പിക്കുന്നതാണ് ഈ നേട്ടമെന്ന് അധികൃതർ പറഞ്ഞു.

സി​നി​മാ ടി​ക്ക​റ്റ്​ വില്പ​ന​യു​ടെ 19 ശ​ത​മാ​നവും നേടിയത് പ്രാദേശികമായി നിർമ്മിച്ച 8 ചിത്രങ്ങളാണ്. ശ​ബാ​ബ് അ​ൽ​ബോം​ബ് 2, ഹോ​ബ​ൽ, അ​ൽ സ​ർ​ഫ, ഇ​സ്​​ആ​ഫ്, ഫ​ഖ്ർ അ​ൽ​സു​വൈ​ദി, ലൈ​ൽ ന​ഹാ​ർ, സെ​യ്​​ഫി, ത​ഷ്​​വീ​ഷ് എ​ന്നീ സി​നി​മ​ക​ളാ​ണ്​ പ്രാദേശികമായി നിർമ്മിച്ച സിനിമകൾ. ഇവയ്ക്ക് വലിയ പ്രേക്ഷക പിന്തുണ ലഭിച്ചതാണ് വരുമാനം വൻ തോതിൽ ഉയരാൻ കാരണം. ജൂ​ലൈ 13 മു​ത​ൽ 19 വ​രെ​ മാത്രം 26 മില്യൺ റി​യാ​ലി​ന്റെ ടി​ക്ക​റ്റ് വില്പന നടന്നു എന്നാണ് കണക്കുകൾ. ​

ക​ഴി​ഞ്ഞ ആറ് ​ മാ​സ​ത്തി​നി​ടെ അ​മേ​രി​ക്ക​ൻ ചി​ത്ര​മാ​യ ‘എ​ഫ്1 ദി ​മൂ​വി’ 26.3 മില്യൺ റി​യാ​ലി​ന്റെ വരുമാനമാണ് നേടിയത്. 22.6 മില്യൺ റിയാൽ കളക്ഷൻ നേടി ‘അ​ൽ സ​ർ​ഫ' എന്ന സൗദി സിനിമ രണ്ടാം സ്ഥാനത്ത് എത്തി. മറ്റൊരു അ​മേ​രി​ക്ക​ൻ ചി​ത്ര​മാ​യ സൂ​പ്പ​ർ​മാ​ൻ 7.7 മില്യൺ റിയാൽ ആണ് നേടിയത്. ഈ​ജി​പ്ഷ്യ​ൻ ചി​ത്ര​മാ​യ അ​ഹ​മ്മ​ദ് ആ​ൻ​ഡ് അ​ഹ​മ്മ​ദ് 3.5 മില്യൺ റി​യാ​ലു​മാ​യി നാ​ലാം സ്ഥാ​ന​ത്തെ​ത്തി​യ​താ​യും ഫി​ലിം കമ്മീഷന്റെ റിപ്പോർട്ടിൽ പറയുന്നു.