ദുബൈ: വാട്‌സ്ആപ്പ്, ഇന്‍സ്റ്റാഗ്രാം, ഫെയ്‌സ്ബുക്ക് എന്നിവയ്ക്കായി യുഎഇയില്‍ പുതിയ സബ്സ്‌ക്രിപ്ഷന്‍ പ്ലാന്‍ അവതരിപ്പിച്ച് മെറ്റ. മാസത്തില്‍ 5.99 ദിര്‍ഹം മുതല്‍ ആരംഭിക്കുന്നതാണ് ഈ പുതിയ പ്ലാന്‍. വ്യക്തികള്‍ക്കും, കണ്ടന്റ് ക്രിയേറ്റര്‍മാര്‍ക്കും, ബിസിനസ്സുകള്‍ക്കും മെറ്റയുടെ വിവിധ ആപ്പുകളിലെ വിപുലമായ എഐ ടൂളുകളിലേക്കും പ്രൊഫഷണല്‍ ഫീച്ചറുകളിലേക്കും പ്രവേശനം നല്‍കുന്നതാണ് ഈ സേവനം.

ഇന്‍സ്റ്റാഗ്രാം, ഫെയ്‌സ്ബുക്ക്, വാട്സ്ആപ്പ്, മെറ്റാ എഐ എന്നിവയില്‍ ഇതിനകം ലഭ്യമായ 50-ലധികം ഫീച്ചറുകളെ മെറ്റാ ഒന്നിപ്പിക്കുന്നു. ഒപ്പം 'എഡിറ്റ്സ്', എഐ ഗ്ലാസുകള്‍ എന്നിവയും ഉള്‍പ്പെടുത്തും. കമ്പനിയുടെ കണക്കുകള്‍ പ്രകാരം, ഇതുവരെ 1.5 കോടിയിലധികം സബ്സ്‌ക്രിപ്ഷനുകളും ട്രയലുകളും റെക്കോര്‍ഡ് ചെയ്തിട്ടുണ്ട്.

തങ്ങളുടെ ആപ്പുകളിലെയും മെറ്റാ എഐ-യിലെയും അടിസ്ഥാന സേവനങ്ങള്‍ സൗജന്യമായിത്തന്നെ തുടരുമെന്ന് മെറ്റാ വ്യക്തമാക്കി. അതേസമയം സൗജന്യ സേവനങ്ങളില്‍ ലഭിക്കുന്നതിനേക്കാള്‍ വിപുലമായ എഐ ഉപയോഗവും പ്രത്യേക സൗകര്യങ്ങളും ആഗ്രഹിക്കുന്നവര്‍ക്കാണ് ഈ സബ്സ്‌ക്രിപ്ഷന്‍ ലഭ്യമാക്കിയിരിക്കുന്നത്.

'മെറ്റാ വണ്‍' പ്ലാനുകള്‍ ഇപ്പോള്‍ ആഗോളതലത്തില്‍ ലഭ്യമാണ്. ഒറ്റ ഉല്‍പ്പന്നത്തിനായുള്ള പ്ലാനുകള്‍ക്ക് പ്രതിമാസം 5.99 ദിര്‍ഹം മുതലും, വ്യക്തികള്‍ക്കുള്ളത് പ്രതിമാസം 22.99 ദിര്‍ഹം മുതലും, ക്രിയേറ്റര്‍മാര്‍ക്കും ബിസിനസുകള്‍ക്കുമുള്ള ബണ്ടിലുകള്‍ക്ക് പ്രതിമാസം 46.99 ദിര്‍ഹം മുതലുമാണ് നിരക്കുകള്‍ ആരംഭിക്കുന്നത്.

സിംഗിള്‍ പ്ലാനുകള്‍

ഇന്‍സ്റ്റാഗ്രാം പ്ലസ് : 7.99 ദിര്‍ഹം

വാട്സ്ആപ്പ് പ്ലസ് : 5.99 ദിര്‍ഹം

ഫെയ്‌സ്ബുക്ക് പ്ലസ് : 7.99 ദിര്‍ഹം

വ്യക്തികള്‍ക്കുള്ളവ:

കോര്‍ : 22.99 ദിര്‍ഹം

പ്രീമിയം : 76.99 ദിര്‍ഹം

ബിസിനസുകള്‍ക്കും ക്രിയേറ്റര്‍മാര്‍ക്കുമുള്ളവ

എസന്‍ഷ്യല്‍ : 46.99 ദിര്‍ഹം മുതല്‍

അഡ്വാന്‍സ്ഡ് : 119 ദിര്‍ഹം മുതല്‍

എക്‌സ്‌പെര്‍ട്ട് : 359 ദിര്‍ഹം മുതല്‍