ഖത്തറില്‍ ഇനി ഒഴുകി നടക്കുന്ന മത്സ്യ ഫാമുകളും. കടലില്‍ ഒഴുകി നടക്കുന്ന നാല് ഫാമുകളുടെ നിര്‍മാണത്തിനായി ദോഹ സാമ്പത്തിക വാണിജ്യ മന്ത്രാലയം പൊതു ടെന്‍ഡര്‍ ക്ഷണിച്ചിരിക്കുകയാണ്. ഭക്ഷ്യസുരക്ഷയുമായി ബന്ധപ്പെട്ട എല്ലാ മേഖലകളിലും സ്വയം പര്യാപ്തത കൈവരിക്കാനുള്ള പദ്ധതിയുടെ ഭാഗമായാണ് പുതിയ ആശയവുമായി ഖത്തര്‍ ഭരണകൂടം രംഗത്തെത്തിയിരിക്കുന്നത്. രാജ്യത്തെ വടക്കന്‍ മേഖല കടലില്‍ ഒഴുകി നടക്കുന്ന തരത്തിലുള്ള ഫാമുകളാണ് നിര്‍മ്മിക്കുന്നത്. കൂട് സംവിധാനത്തിലുള്ള മൂന്ന് ഫാമുകളും ഒരു ചെമ്മീന്‍ ഫാമും നിര്‍മ്മിക്കും. 

ജൂലൈ 11 വരെ ഇതിനായ് ടെന്‍ഡറുകള്‍സ്വീകരിക്കും.  പ്രതിവര്‍ഷം കുറഞ്ഞത് രണ്ടായിരം ടണ്‍ മീന്‍ ഉല്‍പ്പാദിപ്പിക്കുകയാണ് പദ്ധതിയുടെ ലക്ഷ്യം. മൂന്ന് വര്‍ഷം കൊണ്ട് വിളവെടുപ്പും ലക്ഷ്യമിടുന്നു. ഒഴുകുന്ന മീന്‍ ഫാമുകള്‍ക്കായി 90 ഹെക്ടര്‍ വീതം 270 ഹെക്ടര്‍ സ്ഥലം ആഴക്കടലില്‍ അനുവദിച്ചിട്ടുണ്ട്.