മനാമ: ഇഷ്ടനമ്പര്‍ സ്വന്തമാക്കാന്‍ ഇത്ര തുക ചെലവവഴിക്കുമോ എന്ന് ചോദിച്ചാല്‍ അതേ എന്നാണ് ഉത്തരം. ബെഹ്‌റൈനില്‍ നടന്ന സ്വകാര്യ വാഹന നമ്പര്‍ പ്ലേറ്റ് ലേലത്തിലാണ് 6.15 കോടി രൂപ മുടക്കി ബംഗ്ലാദേശ് വ്യവസായിയായ അമാന്‍ അബ്ദുള്‍ റഹ്മാന്‍ ഇഷ്ടനമ്പറായ 600000 സ്വന്തമാക്കിയത്. ഇത്കൂടാതെ 600006 എന്ന നമ്പറും ഇയാള്‍ സ്വന്തമാക്കി. അതിനായി ചെലവഴിച്ചത് പതിനഞ്ചായിരം ദിനാറാണ്.
ആദ്യമായാണ് രാജ്യത്ത് ഇത്രയധികം തുകയ്ക്ക് സ്വകാര്യനമ്പര്‍ പ്ലേറ്റുകളുടെ ലേലം നടക്കുന്നത്. 1500ലധികം പേരാണ് ലേലത്തില്‍ പങ്കെടുത്തതെന്നാണ് റിപ്പോര്‍ട്ടുകള്‍. ലേലത്തിലൂടെ 1.725 മില്യണ്‍ ദിനാര്‍ ധനകാര്യമന്ത്രാലയത്തിന് വരുമാനമായി ലഭിച്ചു. ഇഷ്ട നമ്പര്‍ സ്വന്തമാക്കിയവര്‍ പത്ത് ദിവസത്തിനകം തുകയടക്കണമെന്നാണ് നിയമം. അതിന്‌ശേഷം മാത്രമെ ഇഷ്ടനമ്പര്‍ ഉപയോഗിക്കാന്‍ അനുമതി ലഭിക്കുകയുള്ളൂ.
ബിസിനസുകാരനായ അമാന്‍ അബ്ദുള്‍ റഹ്മാന്‍ അലി ഹനീഫിന്റെ ഇഷ്ടവിനോദങ്ങളിലൊന്നാണ് ഫാന്‍സി നമ്പര്‍ സ്വന്തമാക്കല്‍. ബിഎംഡബ്ല്യു, ലാന്‍ഡ് ക്രൂയിസര്‍ ഉള്‍പ്പടെ നിരവധി വാഹനങ്ങളും ഇയാള്‍ക്കുണ്ട്. റിഫാ വ്യൂവ്‌സിലാണ് താമസം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates