ലഖ്‌നോ: മാര്‍ച്ച് 11ന് യുപിയില്‍ ബിജെപി വിജയഹോളി ആഘോഷിക്കുമെന്ന് പ്രധാനമന്ത്രി നരേന്ദ്രമോദി. ഈ തെരഞ്ഞെടുപ്പില്‍ മികച്ച ഭൂരിപക്ഷത്തോടെയാകും ബിജെപി അധികാരത്തിലെത്തുക. സമാജ്‌വാദി പാര്‍ട്ടിക്കും ബിഎസ്പിക്കും എതിരായ വിധിയെഴുത്തായിരിക്കും തെരഞ്ഞെടുപ്പെന്നും മേദി പറഞ്ഞു. ആറാംഘട്ട തെരഞ്ഞെടുപ്പിന്റെ ഭാഗമായി സംഘടിപ്പിച്ച തെരഞ്ഞെടുപ്പ് റാലിയില്‍ സംസാരിക്കുകയായിരുന്നു മോദി. മൂന്നാംഘട്ട പോളിംഗ് മുതല്‍ എസ്പിയും ബിഎസ്പിയും അവരുടെ പരാജയം തിരിച്ചറിഞ്ഞു കഴിഞ്ഞു. ഇത്തവണ യുപിയുടെ പുരോഗതിക്കായി ബിജെപിയുടെ വിജയം ഉറപ്പായികഴിഞ്ഞു. ഇത്രകാലം നിങ്ങള്‍ സഹിക്കുകയായിരുന്നു. ഒരു തൂക്ക്മന്ത്രിസഭ ഇവിടെയുണ്ടാകരുത്. ഇത്തവണ കുതിരക്കച്ചവടത്തിന് അവസരമുണ്ടാവില്ലെന്ന് മോദിപറഞ്ഞു. ബിജെപി അധികാരത്തിലെത്തുന്നതോടെ ആദ്യമന്ത്രിസഭായോഗം കര്‍ഷകരുടെ വായ്പ എഴുതിതള്ളുമെന്നും മോദി പറഞ്ഞു.
യുപിയിലെ അഞ്ചാംഘട്ട തെരഞ്ഞെടുപ്പിലും മികച്ച പോളിംഗാണ് രേഖപ്പെടുത്തിയത്.