ഡെറാഡൂണ്‍: കോവിഡ് ബാധിച്ച് അമ്മ മരിക്കാന്‍ ഇടയായതിനെ തുടര്‍ന്ന് ഭിക്ഷ യാചിക്കേണ്ടി വന്ന പത്തുവയസുകാരന്‍ കോടികളുടെ സ്വത്തിന്റെ ഉടമയായി. മരിക്കുന്നതിന് മുന്‍പ് മുത്തച്ഛന്‍ സ്വത്തിന്റെ പകുതി ഇഷ്ടദാനമായി നല്‍കിയതോടെയാണ്. ഇതോടെ ബന്ധുക്കള്‍ പത്തുവയസുകാരനെ തിരയുകയായിരുന്നു. ഡെറാഡൂണിലാണ് സംഭവം.

കാളിയാറിലെ തെരുവുകളിലൂടെ ഷാസീബ് ഭിക്ഷയാചിക്കുന്ന വിവരം ഒരു ഗ്രാമീണനാണ് കുട്ടിയുടെ ഇളയച്ഛനെ അറിയിച്ചത്. അവര്‍ കുട്ടിയെ വ്യാഴാഴ്ച സ്വന്തം പ്രദേശമായ സഹാറന്‍പൂരിലേക്ക് കൊണ്ടുപോയി. കുട്ടിയുടെ പേരിലാണ് മുത്തച്ഛന്‍ തറവാടും ഏറെ ഭുമിയും എഴുതിവച്ചത്.

ഭര്‍ത്താവിന്റെ മരണത്തുടര്‍ന്ന് കുട്ടിയുടെ അമ്മ കുട്ടിയുമായി സ്വന്തം വീട്ടിലേക്ക് പോയിരുന്നു. കുട്ടിയെ കണ്ടെത്തിയതിന് പിന്നാലെ ബന്ധുക്കള്‍ കാളിയാറില്‍ കുട്ടിയുടെ ഉമ്മയെ തിരഞ്ഞെങ്കിലും അവരെ കണ്ടെത്താനായില്ല. പകര്‍ച്ചവ്യാധിയെ തുടര്‍ന്ന് ഉമ്മ മരിച്ചതിന് പിന്നാലെ താന്‍ എകാന്തവാസം അനുഭവിക്കുകയായിരുന്നെന്ന് കുട്ടി അവരെ അറിയിച്ചു.

കാണാതായതിന് പിന്നാലെ കുട്ടിയുടെ ഫോട്ടോ ബന്ധുക്കള്‍ സാമൂഹിക മാധ്യമങ്ങളില്‍ അപ്‌ലോഡ് ചെയ്യുകയും കുട്ടിയെ കണ്ടെത്തുന്നവര്‍ക്ക് പാരിതോഷികം പ്രഖ്യാപിക്കുകയും ചെയ്തിരുന്നു.രണ്ട് വര്‍ഷം മുമ്പാണ് ഷാസീബിന്റെ മുത്തച്ഛന്‍ മുഹമ്മദ് യാക്കൂബ് മരിച്ചത്.
 

ഈ വാര്‍ത്ത കൂടി വായിക്കൂ 

'പശ്ചാത്താപത്തിന്റെ കണിക പോലും ഇല്ല, ജയിലിൽ കസബ് നിന്നത് ഒരു കൂസലുമില്ലാതെ'- മുംബൈ ഭീകരാക്രമണ അനുഭവങ്ങൾ പങ്കിട്ട് നഴ്സ് (വീഡിയോ)

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ