ചെന്നൈ: കോവിഡ് ചികിത്സയ്ക്ക് അമിത നിരക്ക് ഈടാക്കിയ സ്വകാര്യ ആശുപത്രിക്കെതിരെ നടപടി. ആശുപത്രിയിലെ കോവിഡ് ചികിത്സ ആരോഗ്യവകുപ്പ് റദ്ദാക്കി. ചെന്നൈയിലെ ബിവെല്‍ എന്ന സ്വകാര്യ ആശുപത്രിക്കെതിരെയാണ് നടപടി. 

കൊറോണ വൈറസ് ബാധിതനായ രോഗിയെ 19 ദിവസം ചികിത്സിച്ചതിന് പന്ത്രണ്ട് ലക്ഷം രൂപയിലധികം ബില്‍ തുകയാണ് ഈടാക്കിയത്. ഇതേക്കുറിച്ച് വിവരം ലഭിച്ചതിന് പിന്നാലെയാണ് ആശുപത്രിയില്‍ കോവിഡ് ചികിത്സ നടത്താനുള്ള അനുമതി റദ്ദാക്കിയത്. 

നേരത്തെ കോവിഡ് ചികിത്സാ നിരക്കുമായി ബന്ധപ്പെട്ട് നിരവധി പരാതികള്‍ ഉയര്‍ന്ന സാഹചര്യത്തില്‍ സ്വകാര്യ ആശുപത്രികള്‍ക്കുള്ള ചികിത്സാ നിരക്കുകള്‍ സര്‍ക്കാര്‍ ചിട്ടപ്പെടുത്തിയിരുന്നു. തുടര്‍പരാതികള്‍ ഉണ്ടായാല്‍ ആശുപത്രികള്‍ക്കെതിരെ കര്‍ശന നടപടി സ്വീകരിക്കുമെന്ന് ആരോഗ്യവകുപ്പ് അറിയിച്ചുരുന്നു.