ലഖ്‌നൗ: 2022ന് മുന്‍പ് രാജ്യത്തെ അലട്ടുന്ന നക്‌സലിസം, തീവ്രവാദം, കാഷ്മീര്‍ പ്രശ്‌നം, വടക്ക് കിഴക്കന്‍ സംസ്ഥാനങ്ങളിലെ പ്രക്ഷോഭങ്ങള്‍ എന്നിവയ്ക്ക് പരിഹാരമാകുമെന്ന് കേന്ദ്ര ആഭ്യന്തര മന്ത്രി രാജ്‌നാഥ് സിങ്. 2022ടെ പുതിയ ഇന്ത്യയെ സൃഷ്ടിക്കുന്നത് മുന്‍ നിര്‍ത്തിയുള്ള മോദി സര്‍ക്കാരിന്റെ പ്രവര്‍ത്തനങ്ങള്‍ രാജ്യം നേരിടുന്ന തീവ്രവാദം ഉള്‍പ്പെടെയുള്ള പ്രശ്‌നങ്ങള്‍ക്ക് പരിഹാരം കാണുമെന്നാണ് ആഭ്യന്തര മന്ത്രിയുടെ പ്രതികരണം.
നവ ഇന്ത്യയുടെ നിര്‍മാണം സംബന്ധിച്ച പരിപാടിയില്‍ പങ്കെടുത്ത് സംസാരിക്കുകയായിരുന്നു രാജ്‌നാഥ് സിങ്. കശ്മീരി വിഘടനവാദി നേതാക്കളുടെ ഹവാല പണമിടപാടുകള്‍ കണ്ടെത്തിയ എന്‍ഐഎയുടെ റിപ്പോര്‍ട്ട് പുറത്തുവന്നതിന്റെ പശ്ചാത്തലത്തിലായിരുന്നു രാജ്‌നാഥ് സിങ്ങിന്റെ പരാമര്‍ശം.
കശ്മീരില്‍ പ്രശ്‌നങ്ങള്‍ സൃഷ്ടിക്കാന്‍ ലക്ഷ്യമിട്ട് പാക്കിസ്ഥാനില്‍ നിന്നും കശ്മീരിലെ വിഘടനവാദി നേതാക്കളുടെ കയ്കളിലേക്ക് ഒഴകുന്ന പണത്തെ കുറിച്ച് അന്വേഷിച്ച എന്‍ഐഎ ഏഴ് വിഘടനവാദി നേതാക്കളെ അറസ്റ്റ് ചെയ്തിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates