മുംബൈ: മഹാരാഷ്ട്രയില്‍ യുവതിയോട് അപമര്യാദയായി പെരുമാറിയ 27കാരനെ അറസ്റ്റ് ചെയ്തു. മേല്‍വിലാസം ചോദിച്ച യുവതിക്ക് മുന്‍പില്‍ സ്വകാര്യഭാഗം പ്രദര്‍ശിപ്പിച്ച കുറ്റത്തിനാണ് യുവാവിനെ അറസ്റ്റ് ചെയ്തത്. സ്ത്രീത്വത്തെ അപമാനിച്ചു എന്ന കുറ്റം ചുമത്തിയാണ് നടപടി.

മുംബൈ തിലക് നഗറിലാണ് സംഭവം. 21 വയസുകാരിയായ യുവതിക്കാണ് ദുരനുഭവം ഉണ്ടായത്. ബിട്ടു പര്‍ച്ചയാണ് പിടിയിലായത്.

മേല്‍വിലാസം തേടി വഴിയിലൂടെ നടന്നുപോകുകയായിരുന്നു യുവതി. കാറില്‍ ഇരിക്കുകയായിരുന്നു പ്രതി. യുവതി പ്രതിയോട് മേല്‍വിലാസം ചോദിച്ചു. സഹായിക്കാമെന്ന വ്യാജേനയാണ് പ്രതി മോശമായി പെരുമാറിയത്. പാന്റ് ഊരി യുവാവ് സ്വകാര്യഭാഗം പ്രദര്‍ശിപ്പിക്കുകയായിരുന്നുവെന്ന് യുവതിയുടെ പരാതിയില്‍ പറയുന്നു. യുവതിയുടെ പരാതിയിലാണ് പൊലീസ് നടപടിയെടുത്തത്.