ന്യൂഡല്ഹി: അടുത്ത 24 മണിക്കൂറില് ഉംപുന് ചുഴലിക്കാറ്റ് ശക്തിപ്രാപിക്കുമെന്ന് കേന്ദ്ര കാലാവസ്ഥാവകുപ്പിന്റെ മുന്നറിയിപ്പ്. ഇതിന്റെ ഭാഗമായി ഒഡിഷ, ബംഗാള്, ആന്റമാന് അടക്കമുള്ള തീരപ്രദേശങ്ങളില് ശക്തമായ കാറ്റും മഴയും ഉണ്ടാവുമെന്നും വകുപ്പ് മുന്നറിയിപ്പ് നല്കി.
ബംഗാള് ഉള്ക്കടലിന്റെ തെക്കുകിഴക്കന് മേഖലയില്നിന്ന് വടക്കുപടിഞ്ഞാറന് ദിശയിലേക്ക് നീങ്ങിയ എംഫന് ചുഴലിക്കാറ്റ് ശക്തിപ്രാപിച്ച് തിങ്കളാഴ്ച രാവിലെയോടുകൂടി ശക്തമായ ചുഴലിക്കാറ്റായി മാറുമെന്നാണ് കരുതുന്നത്.
18-20 തീയതികളോടെ ഒഡീഷയുടെ വടക്കന് മേഖലയിലേയ്ക്കും തുടര്ന്ന് പശ്ചിമബംഗാളിലേയ്ക്കും നീങ്ങുന്ന ചുഴലിക്കാറ്റില് ഒഡീഷയിലെ തീരദേശ മേഖലകളിലാണ് ഏറെ നാശംവിതയ്ക്കുക എന്നാണ് കണക്കുകൂട്ടുന്നത്. ഞായറാഴ്ചയോടെ ശക്തിപ്രാപിക്കുന്ന ചുഴലിക്കാറ്റ് തുടര്ന്നുള്ള ദിവസങ്ങളില് ആന്ധ്ര പ്രദേശ്, പശ്ചിമ ബംഗാള് എന്നീ സംസ്ഥാനങ്ങളുടെ തീരപ്രദേശങ്ങളില് വീശാനിടയുണ്ടെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കുന്നു.
മേയ് 18 മുതല് ബംഗാള് ഉള്ക്കടലിന്റെ വടക്കന് ഭാഗങ്ങളിലേക്കും ഒഡീഷ പശ്ചിമബംഗാള് തീരത്തിനപ്പുറത്തേയ്ക്കും പോകരുതെന്ന് മീന്പിടിത്തക്കാര്ക്ക് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്.
മെയ് 20ഓടെ കാറ്റിന് ശമനമുണ്ടാവും. മുന്കരുതല് നടപടികളുടെ ഭാഗമായി തീരപ്രദേശങ്ങളില് നിന്നും ജനങ്ങളെ ഒഴിപ്പിച്ചിട്ടുണ്ട്. സുരക്ഷാനടപടികളുടെ ഭാഗമായി സേനയെ വിന്യസിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates