ന്യൂഡൽഹി: ലിഫ്റ്റിനുള്ളിൽ വച്ച് യുവതിയെ ലൈം​ഗികമായി പീഡിപ്പിക്കാൻ ശ്രമിച്ച സംഭവത്തിൽ 26കാരൻ അറസ്റ്റിൽ. ഈ മാസം നാലിന് ഡൽഹി മെട്രോ സ്റ്റേഷനിലെ ലിഫ്റ്റിൽ വച്ചാണ് അതിക്രമം. സംഭവത്തിൽ സ്വകാര്യ ആശുപത്രിയിലെ ഹൗസ് കീപ്പിങ് തൊഴിലാളിയായ രാജേഷ് കുമാറാണ് ഡൽഹി പൊലീസിന്റെ പിടിയിലായത്. 

തെക്കൻ ഡൽഹിയിലെ ജസോല മെട്രോ സ്റ്റേഷനിലെ ലിഫ്റ്റിൽ യാത്ര ചെയ്യവേ രാജേഷ് കുമാർ യുവതിക്ക് നേരെ തന്റെ സ്വകാര്യ ഭാ​ഗങ്ങൾ പ്രദർശിപ്പിച്ചു. പിന്നാലെ കടന്നു പിടിച്ചു. യുവതി എതിർത്തതോടെ ഇയാൾ മെട്രോ ട്രെയിനിൽ കയറാതെ പുറത്തേക്ക് ഓടി രക്ഷപ്പെട്ടു.

യുവതി ആർക്കി ടെക്റ്റായി ജോലി ചെയ്യുകയാണ്. അതിക്രമത്തിന് പിന്നാലെ യുവതി പരാതി നൽകി. പൊലീസ് അന്വേഷണത്തിനൊടുവിലാണ് രാജേഷ് കുമാർ പിടിയിലായത്. സിസിടിവി ​​​ദൃശ്യങ്ങളുൾപ്പെടെ പരിശോധിച്ചായിരുന്നു അന്വേഷണം. പീഡനക്കുറ്റം ചുമത്തി പൊലീസ് കേസ് രജിസ്റ്റർ ചെയ്തു. 

ഈ വാര്‍ത്ത കൂടി വായിക്കൂ 

അന്യജാതിക്കാരിയായ പെണ്‍കുട്ടിയെ വിവാഹം കഴിച്ചു; ഗൃഹനാഥന്‍ ഭാര്യയെയും മകനെയും വെട്ടിക്കൊന്നു; തമിഴ്‌നാട്ടില്‍ വീണ്ടും ദുരഭിമാനക്കൊല

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ