റാഞ്ചി: ഝാര്ഖണ്ഡിലെ സര്ക്കാര് ആശുപത്രിയില് നിന്ന് രക്തം സ്വീകരിച്ച കുട്ടികള്ക്ക് എച്ച്ഐവി ബാധിച്ചതായി റിപ്പോര്ട്ട്. സിംഗ്ഭൂം ജില്ലയിലെ സര്ക്കാര് ആശുപത്രിയില് ആണ് ഗുരുതര ചികിത്സാ പിഴവ് റിപ്പോര്ട്ട് ചെയ്തിരിക്കുന്നത്. അഞ്ച് കുട്ടികള്ക്ക് രോഗ ബാധ സ്ഥിരീകരിച്ചതായാണ് വിവരം.
തലസീമിയ ജനിതക രോഗം ബാധിച്ച ഏഴ് വയസുകാരന് എച്ച്ഐവി ബാധ കണ്ടെത്തിയതിന് പിന്നാലെ നടത്തിയ പരിശോധനയിലാണ് വീഴ്ച കണ്ടെത്തിയത്. ബ്ലഡ് ബാങ്കില് നിന്ന് 25 യൂണിറ്റ് രക്തമായിരുന്നു കുട്ടിക്ക് നല്കിയത്. ഈ വിവരത്തിന്റെ അടിസ്ഥാനത്തില് നടത്തിയ വിശദ പരിശോധനയില് നാല് കുട്ടികള്ക്ക് കൂടി എച്ച്ഐവി സ്ഥിരീകരിക്കുകയായിരുന്നു.
സംഭവത്തില് ഝാര്ഖണ്ഡ് സര്ക്കാര് വിദഗ്ധ പരിശോധനയ്ക്ക് ഉത്തരവിട്ടു. അഞ്ചംഗ പ്രത്യേക അന്വേഷണസംഘമാണ് വിഷയം പരിശോധിക്കുന്നത്. അന്വേഷണത്തില് രക്തബാങ്കില് ചില പൊരുത്തക്കേടുകള് കണ്ടെത്തിയെനന്നാണ് പുറത്തുവരുന്ന വിവരം. തകരാറുകള് പരിഹരിക്കാന് ഉദ്യോഗസ്ഥര്ക്ക് നിര്ദേശം നല്കിയതായും ഡയറക്ടര് ഡോ. ദിനേഷ് കുമാര് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates