ന്യൂഡല്‍ഹി: അഞ്ച് വയസ്സുകാരിയെ തട്ടിക്കൊണ്ടുപോയി ബലാത്സംഗം ചെയ്ത കേസിലെ പ്രതി മാധ്യമപ്രവര്‍ത്തരെ മര്‍ദ്ദിച്ചു. വാദം കഴിഞ്ഞ് കോടതിയില്‍ നിന്ന് മടങ്ങുന്നതിനിടെ പ്രതികളുടെ ചിത്രം പകര്‍ത്തിയ മാധ്യമപ്രവര്‍ത്തകരെയാണ് പ്രതികളില്‍ ഒരാള്‍ ക്രൂരമായി മര്‍ദ്ദിച്ചത്. ഡല്‍ഹിയിലെ കാര്‍ക്കര്‍ഡൂമ കോടതിയിലാണ് സംഭവം. പ്രതികളെ ഹാജരാക്കുന്നതറിഞ്ഞ് നിരവധി മാധ്യമപ്രവര്‍ത്തകര്‍ കോടതിയില്‍ എത്തിയിരുന്നു.

പൊലീസുകാര്‍ നോക്കി നില്‍ക്കെയാണ് പ്രതി മാധ്യമപ്രവര്‍ത്തകരെ തല്ലുന്നത്. കൂടാതെ ഫോട്ടോയെടുത്ത മൊബൈല്‍ തട്ടിത്തെറിപ്പിക്കുകയും ചെയ്തു. കേസിനാസ്പദമായ സംഭവം നടന്നത് 2013ലാണ്. പ്രതി മാധ്യമപ്രവര്‍ത്തകനെ തല്ലുന്ന വീഡിയോ സമൂഹമാധ്യമങ്ങളില്‍ വൈറലാണ്.