ലഖ്‌നൗ: അഞ്ച് വയസുകാരിയെ പീഡിപ്പിച്ച 60കാരന്‍ തൂങ്ങി മരിച്ച നിലയില്‍. യുപിയിലെ ബറേലിയിലാണ് സംഭവം. ഷേർ മുഹമ്മദാണ് പെൺകുട്ടിയെ ക്രൂരമായി ബലാത്സം​ഗം ചെയ്‌ത ശേഷം ജീവനൊടുക്കിയത്. വീടിനു പുറത്ത് കളിച്ചുകൊണ്ടിരുന്ന കുട്ടിയെ ഇയാള്‍ ബലമായി കൂട്ടിക്കൊണ്ടു പോവുകയായിരുന്നു. 

ഏറെ നേരമായിട്ടും കുട്ടിയെ കാണാതായതോടെ വീട്ടുകാര്‍ നടത്തിയ തെരച്ചിൽ സമീപത്തുള്ള മുഹമ്മദിന്റെ വീട്ടിൽ എത്തിയപ്പോൾ കുട്ടിയെ ഇയാൾ പീഡിപ്പിക്കുന്നതാണ് കണ്ടതെന്ന് ബന്ധുക്കൾ പറഞ്ഞു. പെൺകുട്ടിയുടെ വീട്ടുകാരെ കണ്ട് പ്രതി ഓടി രക്ഷപ്പെടുകയായിരുന്നു. 

ഗുരുതരമായി പരിക്കേറ്റ പെണ്‍കുട്ടിയെ ആശുപത്രിയില്‍ പ്രവേശിപ്പിച്ചു. പെൺകുട്ടിയുടെ അമ്മയുടെ പരാതിയിൽ പ്രതിക്കെതിരെ പൊലീസ് കേസെടുത്തു. അന്വേഷണത്തിനിടെ ഇയാളെ സമീപത്തെ മരത്തില്‍ തൂങ്ങി മരിച്ച നിലയില്‍ കണ്ടെത്തുകയായിരുന്നു. മൃതദേഹം പോസ്റ്റ് മോര്‍ട്ടത്തിന് അയച്ചതായി പൊലീസ് അറിയിച്ചു.

ഈ വാർത്ത കൂടി വായിക്കൂ 

സിക്കിമിലെ മിന്നല്‍ പ്രളയം; മരണം 53 ആയി, 27 മൃതദേഹങ്ങള്‍ കണ്ടെത്തി, മരിച്ചവരുടെ കുടുംബങ്ങള്‍ക്ക് നാല് ലക്ഷം രൂപ നഷ്ടപരിഹാരം

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ