വന്യമൃഗങ്ങളുടെയും പക്ഷികളുടെയും കൗതുകമാര്‍ന്ന നിരവധി വീഡിയോകളാണ് ഓരോ ദിവസവും സാമൂഹിക മാധ്യമങ്ങളില്‍ അടക്കം നിറയുന്നത്. ഇപ്പോള്‍ കാണ്ടാമൃഗത്തിന്റെ അരികിലേക്ക് പോയ സിംഹത്തിന് സംഭവിച്ചതാണ് ചിരി പടര്‍ത്തുന്നത്.

സുശാന്ത നന്ദ ഐഎഫ്എസ് ആണ് വീഡിയോ പങ്കുവെച്ചത്. പുല്ല് തിന്നുന്നതില്‍ വ്യാപൃതരായി ഇരിക്കുകയാണ് രണ്ടു കാണ്ടാമൃഗങ്ങള്‍. ഇവയുടെ അരികിലേക്ക് പോയ രണ്ട് സിംഹങ്ങള്‍ അവസാനം പേടിച്ച് ഓടുന്നതാണ് വീഡിയോയുടെ ഉള്ളടക്കം.

ഒറ്റനോട്ടത്തില്‍ കൡയാക്കാന്‍ എന്ന് തോന്നിപ്പിക്കുമാറ് ഒരു കാണ്ടാമൃഗത്തെ തൊടാനാണ് സിംഹങ്ങളില്‍ ഒന്ന് ശ്രമിക്കുന്നത് എന്ന് ധരിച്ചാലും തെറ്റില്ല. എന്നാല്‍ ഞൊടിയിടയില്‍ തിരിഞ്ഞതോടെ സിംഹങ്ങള്‍ പേടിച്ച് ഓടുന്നതാണ് വീഡിയോയുടെ അവസാനം. തെറ്റായ നമ്പര്‍ ഡയല്‍ ചെയ്തു എന്ന ആമുഖത്തോടെയാണ് സുശാന്ത നന്ദ വീഡിയോ പങ്കുവെച്ചത്.

ഈ വാര്‍ത്ത കൂടി വായിക്കൂ

കുത്തനെ വായുവില്‍ ഉയര്‍ന്ന് പൊങ്ങി, ബോട്ട് യാത്രക്കാരിയെ കുത്തി പരിക്കേല്‍പ്പിച്ച് സെയ്ല്‍ഫിഷ്- വീഡിയോ 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ