പുനെ: എല്ലാവരും നോക്കി നിൽക്കെ യുവതിയെ ന​ഗ്നയായി വെള്ളച്ചാട്ടത്തിൽ കുളിക്കാൻ നിർബന്ധിച്ച് ഭർത്താവും കുടുംബവും. സംഭവത്തിൽ ഭർത്താവിനും കുടുംബാം​ഗങ്ങൾക്കും എതിരെ പൊലീസ് കേസ് എടുത്തു.

ആണ്‍കുട്ടി ജനിക്കാന്‍ വേണ്ടി മന്ത്രവാദി നിർദേശിച്ചത് പ്രകാരമാണ് വിചിത്ര ആചാരത്തിന് യുവതിയെ കുടുംബം നിർബന്ധിച്ചത്. യുവതിയുടെ പരാതിയിന്മേല്‍
ഐപിസി സെക്ഷൻ 498, നരബലി-ദുർമന്ത്രവാദം-മറ്റ് മനുഷ്യത്വ രഹിത ക്രിയകൾ എന്നിവയ്‌ക്കെതിരായ മഹാരാഷ്ട്ര പ്രിവൻഷൻ ആക്ട് 2013 എന്നിവ പ്രകാരമാണ് പൊലീസ് കേസെടുത്തത്.

മന്ത്രവാദിക്കെതിരേയും പൊലീസ് കേസെടുത്തിട്ടുണ്ട്. വിവാഹം കഴിഞ്ഞ് വർഷങ്ങളായിട്ടും കുട്ടികൾ ജനിക്കാതിരുന്നതോടെയാണ് മന്ത്രവാദിയുടെ നിർദേശം പാലിക്കാൻ യുവതിയെ കുടുംബം നിർബന്ധിച്ചത്. റഗാഡ് ജില്ലയിലെ വെള്ളച്ചാട്ടത്തിലേക്ക് യുവതിയെ കൊണ്ടുപോവുകയും എല്ലാവരും നോക്കി നിൽക്കെ കുളിക്കാൻ നിർബന്ധിക്കുകയുമായിരുന്നു. 

ഈ വാര്‍ത്ത കൂടി വായിക്കൂ 

പിസ ഓർഡർ കാൻസൽ ചെയ്തു; സൊമാറ്റോയ്ക്ക് 10,000 രൂപ പിഴ

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ