ന്യൂഡല്ഹി: ജൂണ് മുതല് ഓഗസ്റ്റ് വരെയുള്ള കാലയളവില് രാജ്യാന്തര റൂട്ടുകളിലെ സര്വീസുകള് വെട്ടിച്ചുരുക്കുമെന്ന് എയര് ഇന്ത്യ മുന്നറിയിപ്പ്. ചില മേഖലകളിലെ വ്യോമപാത നിയന്ത്രണങ്ങളും റെക്കോര്ഡ് തലത്തിലെത്തിയ വിമാന ഇന്ധനവിലയും അടക്കമുള്ള സാഹചര്യങ്ങള് കണക്കിലെടുത്താണ് തീരുമാനം. എല്ലാ മാസവും 1,200ല് അധികം രാജ്യാന്തര വിമാന സര്വീസുകള് നടത്തുമെന്നു എയര് ഇന്ത്യ വ്യക്തമാക്കിയിട്ടുണ്ട്. ഈ കാലയളവിലും വിവിധ രാജ്യങ്ങളിലേക്കുള്ള സര്വീസുകള് ലഭ്യമായിരിക്കും.
ഡല്ഹി ഷിക്കാഗോ, മുംബൈ ന്യൂയോര്ക്ക്, ഡല്ഹിഷാങ്ഹായ്, ചെന്നൈസിംഗപ്പുര്, ഇവ കൂടാതെ മറ്റ് രണ്ട് റൂട്ടുകളിലുമാണ് താല്ക്കാലികമായി സര്വീസുകള് നിര്ത്തിവയ്ക്കുന്നത്. ചുരുക്കിയ സര്വീസുകള്ക്കിടയിലും, നിലവിലുള്ള പ്രതിസന്ധികളെ അതിജീവിച്ച് ഉപഭോക്താക്കള്ക്ക് തടസ്സമില്ലാത്ത യാത്രാനുഭവം നല്കാന് എയര് ഇന്ത്യ പ്രതിജ്ഞാബദ്ധമാണെന്നും എയര് ഇന്ത്യ അറിയിച്ചു.
പ്രതിവാരം 33 വിമാനങ്ങളുമായി നോര്ത് അമേരിക്കയിലേക്കുള്ള സര്വീസുകള് തുടരും. യൂറോപ്പിലേക്ക് ആഴ്ചയില് 47 സര്വീസുകളും ബ്രിട്ടനിലേക്ക് ആഴ്ചയില് 57 സര്വീസുകളും എയര് ഇന്ത്യ നടത്തും. ഓസ്ട്രേലിയയിലേക്കുള്ള പ്രതിവാര സര്വീസുകളുടെ എണ്ണം എട്ടായിരിക്കും. തെക്ക് കിഴക്കന് ഏഷ്യ, സാര്ക്ക് രാജ്യങ്ങള് എന്നിവിടങ്ങളിലേക്ക് ആഴ്ചയില് 158 വിമാനങ്ങളുടെ സര്വീസും ഉണ്ട്. ആഫ്രിക്കന് രാജ്യമായ മൗറീഷ്യസിലേക്ക് പ്രതിവാരം ഏഴ് വിമാനങ്ങളും എയര് ഇന്ത്യയുടെ ഷെഡ്യൂളില് ഉള്പ്പെടുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates