ന്യൂഡൽഹി: മുതിർന്ന നേതാവ് അജയ്‌ മാക്കൻ കോൺ​ഗ്രസ് ദേശീയ ട്രഷറർ. പവൻ കുമാർ ബൻസാലിനു പകരക്കാരനായിട്ടാണ് അജയ്‌ മാക്കനെ നിയോ​ഗിച്ചത്. കോൺ​ഗ്രസ് ദേശീയ അധ്യക്ഷൻ മല്ലികാർജുൻ ഖാർ​ഗെ ഇതുസംബന്ധിച്ച ഉത്തരവ് പുറത്തിറക്കി. 

എഐസിസി ജനറൽ സെക്രട്ടറിയായി പ്രവർത്തിച്ച അജയ് മാക്കൻ നിലവിൽ പ്രവർത്തക സമിതി അംഗമാണ്. മൻമോഹൻ സിങ് സർക്കാരിൽ രണ്ട് തവണ കേന്ദ്ര മന്ത്രിയായിരുന്നു അദ്ദേഹം. ഡൽഹിയിൽ ഷീലാ ദീക്ഷിത് സർക്കാരുകളിലും വിവിധ വകുപ്പുകള്‍ കൈകാര്യം ചെയ്തിട്ടുണ്ട്.

2004 മുതൽ 2014 വരെ രണ്ടു തവണയാണ് ലോക്‌സഭാ അംഗമായത്. 1993 മുതൽ 2004 വരെ മൂന്നു തവണ നിയമസഭാ അംഗവുമായിരുന്നു. ഡൽഹി പ്രദേശ് കോൺഗ്രസ് അധ്യക്ഷനുമായിട്ടുണ്ട് മാക്കന്‍.

ഈ വാര്‍ത്ത കൂടി വായിക്കൂ

 തർക്കത്തിനിടെ സ്ക്രൂഡ്രൈവർ പിടിച്ചു വാങ്ങി 18കാരന്റെ നെഞ്ചിൽ കുത്തിയിറക്കി; പ്രായപൂർത്തിയാകാത്ത രണ്ട് പേർ പിടിയിൽ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ