പട്‌ന: തന്റെ വിവാഹം നടത്താതെ മൂത്ത സഹോദരന്റെ പുനര്‍വിവാഹം നടത്തിയതിന്റെ ദേഷ്യത്തില്‍ യുവാവ് സഹോദരന്റെ ഭാര്യയെ കൊന്നു. ബിഹാറിലെ ഗോപാല്‍ഗഞ്ചിലാണ് സംഭവം നടന്നത്. 

മനോജ് പണ്ഡിറ്റ് എന്ന മുപ്പതുകാരനെ പൊലീസ് അറസ്റ്റ് ചെയ്തു. സഹോദരന്‍ ഗണേഷ് പണ്ഡിറ്റിന്റെ രണ്ടാം ഭാര്യയായ മീന ദേവിയെയാണ് ഇയാള്‍ കുത്തി കൊലപ്പെടുത്തിയത്.  ശനിയാഴ്ച വെളുപ്പിന് മീന ഉറങ്ങുന്ന സമയത്താണ് ഇയാള്‍ ആക്രമിച്ചത്. കൊലപാതകത്തിന് ശേഷം രക്ഷപ്പെട്ട പ്രതിയെ പിന്നീട് പൊലീസ് അറസ്റ്റ് ചെയ്തു. 

മഹേഷിന്റെ ആദ്യ ഭാര്യ അസുഖങ്ങള്‍ കാരണം ഏതാനും വര്‍ഷം മുന്‍പ് മരിച്ചിരുന്നു. മഹേഷിന്റെ വിവാഹം കഴിഞ്ഞ രണ്ട് പെണ്‍മക്കളുമുണ്ട്. മൂന്ന് മാസം മുന്‍പാണ് മഹേഷ് മീനയെ വിവാഹം ചെയ്തത്. ഇതാണ് മനോജിനെ പ്രകോപിപ്പിച്ചതെന്ന് പൊലീസ് പറഞ്ഞു.