ന്യൂഡല്‍ഹി: നാഗാലാന്‍ഡിലെ മുഴുവന്‍ എന്‍സിപി എംഎല്‍എമാരും അജിത് പവാറിന് പിന്തുണ പ്രഖ്യാപിച്ചു. ഏഴ് എംഎല്‍എമാരാണ് നാഗാലാന്‍ഡില്‍ എന്‍സിപിക്ക് ഉള്ളത്. ഇവര്‍ നേരത്തെ, എന്‍ഡിപിപി-ബിജെപി സഖ്യ സര്‍ക്കാരിന് പിന്തുണ പ്രഖ്യാപിച്ചുരുന്നു.
മഹാരാഷ്ട്ര കഴിഞ്ഞാല്‍ എന്‍സിപിക്ക് ഏറ്റവും കൂടുതല്‍ എംഎല്‍എമാരുള്ള സംസ്ഥാനമാണ് നാഗാലന്‍ഡ്. അജിത് പവാര്‍ പക്ഷത്തിന് പിന്തുണ പ്രഖ്യാപിക്കുന്നതായി എംഎല്‍എമാര്‍ സംയുക്തമായി ഇറക്കിയ പ്രസ്താവനയില്‍ വ്യക്തമാക്കി.
മഹാരാഷ്ട്ര എന്‍സിപി ഘടകം പിളര്‍ത്തി അജിത് പവാര്‍ എന്‍ഡിഎ സഖ്യത്തില്‍ ചേര്‍ന്നിരുന്നു. 35 എംഎല്‍എമാരാണ് അജിത് പക്ഷത്തിനൊപ്പമുള്ളത്. തങ്ങളാണ് യഥാര്‍ത്ഥ എന്‍സിപിയെന്നും പാര്‍ട്ടി ചിഹ്നം അനുവദിക്കണമെന്നും അജിത് പവാര്‍ അവകാശപ്പെട്ടിരുന്നു. അതേസമയം, കേരളത്തിലെ എന്‍സിപി ഘടകം ശരദ് പവാറിനാണ് പിന്തുണ പ്രഖ്യാപിച്ചിരിക്കുന്നത്.
ഈ വാര്‍ത്ത കൂടി വായിക്കൂ ഡല്‍ഹി ഓര്‍ഡിനന്‍സ് സുപ്രീംകോടതി ഭരണഘടനാ ബെഞ്ചിന്
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates