ബം​ഗളൂരു: കർണാടകയിൽ 15കാരൻ ഹൃദയാഘാതത്തെ തുടർന്ന് മരിച്ചു. ബേലധര റൂറൽ ഹൈസ്‌കൂളിലെ പത്താം ക്ലാസ് വിദ്യാർഥിയായ ഭീമശങ്കറാണ് വ്യാഴാഴ്ച കുഴഞ്ഞുവീണത്. ഇന്റർ സ്‌കൂൾ മീറ്റിൽ റിലേ മത്സരത്തിൽ പങ്കെടുത്ത് മിനിറ്റുകൾക്കുള്ളിലാണ് വിദ്യാർഥി കുഴഞ്ഞുവീണത്. 

ഭീമശങ്കർ ഉൾപ്പെടുന്ന 12 അം​ഗ സംഘമായിരുന്നു സ്കൂളിൽ നിന്നും മത്സരത്തിൽ പങ്കെടുക്കാൻ പോയത്. 5.45നായിരുന്നു മത്സരം.  4*100 റിലേ മത്സരത്തിൽ പങ്കെടുത്ത് മിനിറ്റുകൾക്കുള്ളിൽ  ഭീമശങ്കറിന് ദേഹാസ്വസ്ഥ്യം അനുഭവപ്പെടുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. 

മത്സരത്തിൽ തങ്ങളുടെ സ്കൂൾ രണ്ടാം സ്ഥാനമായതിൽ ഭീമശങ്കറിന് നിരാശയുണ്ടായിരുന്നു. ആറ് മണിയോടെ സംഘം സ്കൂളിലേക്ക് മടങ്ങുന്നതിനായി വാഹനത്തിൽ കയറുന്നതിനിടെ വിദ്യാർഥി കുഴഞ്ഞു വീഴുകയായിരുന്നെന്ന് സ്കൂൾ പ്രിൻസിപ്പൽ നാ​ഗരാജു പറഞ്ഞു. സംഭവത്തിൽ ദുരൂഹത ആരോപിച്ച് വിദ്യാർഥിയുടെ പിതാവ് പരാതി നൽകി.പോസ്റ്റുമോർട്ടത്തിന് ശേഷം വിദ്യാർഥിയുടെ മൃതദേഹം ബന്ധുക്കൾക്ക് വിട്ടുനൽകി. 

ഈ വാര്‍ത്ത കൂടി വായിക്കൂ 

ബിജെപി എംഎല്‍എയുടെ മകന്‍ ആദിവാസി യുവാവിനെ വെടിവെച്ചു; പിടികൂടാന്‍ സഹായിക്കുന്നവര്‍ക്ക് 10,000 രൂപ പാരിതോഷികം, മധ്യപ്രദേശില്‍ വീണ്ടും വിവാദം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ