ന്യൂഡൽഹി:കേന്ദ്ര സര്‍ക്കാരിന്റെ മുഖ്യ സാമ്പത്തിക ഉപദേഷ്ടാവ് കെവി സുബ്രമണ്യന്‍ സ്ഥാനമൊഴിയുന്നു. സ്ഥാനമേറ്റ് മൂന്ന് വര്‍ഷം പൂര്‍ത്തിയാകുന്നതോടെയാണ് സ്ഥാനമൊഴിയുക. സ്ഥാനമൊഴിഞ്ഞ ശേഷം അക്കാദമിക് മേഖലയിലേക്ക് തിരിച്ച് പോകുമെന്ന് കെവി സുബ്രമണ്യന്‍ പറഞ്ഞു.

"രാഷ്ട്രത്തെ സേവിക്കാന്‍ കഴിഞ്ഞത് മഹത്തായ കാര്യമായി കരുതുന്നു. വലിയ പിന്തുണയും പ്രോത്സാഹനവുമാണ് എല്ലാവരില്‍ നിന്നുമുണ്ടായത്''- കെവി സുബ്രമണ്യന്‍ ട്വിറ്ററിൽ കുറിച്ചു. തനിക്ക് ഈ അവസരം തന്ന പ്രധാനമന്ത്രിക്കും ധനമന്ത്രിക്കും നന്ദിയെന്നും അദ്ദേഹം പറഞ്ഞു. 

മുഖ്യ സാമ്പത്തിക ഉപദേഷ്ടാവായിരുന്ന അരവിന്ദ് സുബ്രമണ്യന്‍ സ്ഥാനമൊഴിഞ്ഞതോടെയാണ് കെ.വി സുബ്രമണ്യന്‍ സ്ഥാനമേറ്റത്.