ന്യൂഡല്‍ഹി: മൃഗങ്ങളെ അങ്ങോട്ടുകയറി പ്രകോപിപ്പിച്ചാല്‍ മാത്രമേ അവ തിരിച്ചു ആക്രമിക്കുകയുള്ളൂ എന്നാണ് പൊതുവേ പറയുന്നത്. പാമ്പുകളുടെ കാര്യത്തില്‍ ഇത് ഏറെക്കുറെ ശരിയാണെന്നതിന്റെ നിരവധി ഉദാഹരണങ്ങള്‍ പുറത്തുവന്നിട്ടുണ്ട്. ഇപ്പോള്‍ മൂര്‍ഖന്‍ പാമ്പിനെ പ്രകോപിപ്പിക്കാന്‍ ശ്രമിക്കുന്ന വീഡിയോയാണ് വൈറലാകുന്നത്.

ഇന്‍സ്റ്റന്റ് കര്‍മ എന്ന ട്വിറ്റര്‍ അക്കൗണ്ടില്‍ നിന്നാണ് വീഡിയോ പങ്കുവെച്ചിരിക്കുന്നത്. കാറില്‍ ഇരിക്കുന്നയാളാണ് മൂര്‍ഖന്‍ പാമ്പിനെ പ്രകോപിപ്പിക്കാന്‍ ശ്രമിച്ചത്. മൂര്‍ഖന്‍ പാമ്പിനെ ലക്ഷ്യം വെച്ച് കാര്‍ യാത്രക്കാരന്‍ വെടിയുതിര്‍ത്തു. രണ്ടു തവണ വെടിയുതിര്‍ത്തെങ്കിലും ലക്ഷ്യം കണ്ടില്ല.

ഇതോടെ, കാറില്‍ ഇരിക്കുന്ന യാത്രക്കാരനെ ലക്ഷ്യമാക്കി മൂര്‍ഖന്‍ ചീറിയടുക്കുന്നതാണ് വീഡിയോയുടെ അവസാനം. ആദ്യത്തെ വെടി പൊട്ടിയ സമയത്ത് സ്വയരക്ഷയ്ക്ക് പാമ്പ് പത്തിതാഴ്ത്തി. രണ്ടാമതും പാമ്പിനെ ലക്ഷ്യമാക്കി വെടി ഉതിര്‍ത്ത ശേഷമാണ് മൂര്‍ഖന്‍ യാത്രക്കാരന് നേരെ തിരിഞ്ഞത്.

ഈ വാര്‍ത്ത കൂടി വായിക്കൂ 

ഇറച്ചിയും മീനുമടക്കം വിഭവസമൃദ്ധമായ വിരുന്ന്; തെരുവ് നായ്ക്കൾക്ക് യുവാവിന്റെ ക്രിസ്മസ് സമ്മാനം, വിഡിയോ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ