മുംബൈ: പാര്‍ട്ടി ഓഫീസില്‍ വെച്ച് ബിജെപി പ്രവര്‍ത്തകന്‍ സഹപ്രവര്‍ത്തകയെ പീഡിപ്പിച്ചെന്ന് പരാതി. മുംബൈയിലെ ബോറവല്ലിയിലാണ് സംഭവം നടന്നത്. പാര്‍ട്ടിയില്‍ ചേരാനായി സന്നദ്ധത അറിയിച്ച യുവതിയെ ഓഫീസിലെത്തിച്ച് പീഡിപ്പിക്കുകയായിരുന്നു. ഒരുവര്‍ഷംകഴിഞ്ഞാണ് യുവതി പരാതി നല്‍കിയത്.

ഒരു ബിജെപി നേതാവിന്റെ മുറിയില്‍ വെച്ചായിരുന്നു പീഡനം. യുവതി പരാതി നല്‍കിയതിന് പിന്നാലെ ഇയാള്‍ ഒളിവില്‍ പോയി. എഫ്‌ഐആര്‍ രജിസ്റ്റര്‍ ചെയ്തിട്ടുണ്ടെന്നും ഇയാല്‍ക്കായുള്ള അന്വേഷണം തുടരുകയാണെന്നും പൊലീസ് വ്യക്തമാക്കി.