ഗുവാഹത്തി: മകളെ ബലാത്സംഗം ചെയ്ത കോളജ് പ്രിന്‍സിപ്പലിനെ പൊലീസ് അറസ്റ്റ് ചെയ്തു. വര്‍ഷങ്ങള്‍ക്ക് മുന്‍പായിരുന്നു കേസിനാസ്പദമായ സംഭവം.

ബിആര്‍എം ഗവണ്‍മെന്റ് ലോ കോളേജ് പ്രിന്‍സിപ്പല്‍ അശുതോഷ് കുണ്ടുവാണ് അറസ്റ്റിലായത്. 26കാരിയായ മകളുടെ പരാതിയുടെ അടിസ്ഥാനത്തില്‍ ഞായറാഴ്ച ഇയാളെ അറസ്റ്റ് ചെയ്തതായി പൊലീസ് പറഞ്ഞു. തിങ്കളാഴ്ച കോടതിയില്‍ ഹാജരാക്കിയ ഇയാളെ 14 ദിവസത്തേക്ക് ജുഡീഷ്യല്‍ കസ്റ്റഡിയില്‍ വിട്ടു.

മാസങ്ങളോളം പിതാവ് തന്നെ ലൈംഗികമായി പീഡിപ്പിച്ചതായി യുവതി നവംബര്‍ 30നാണ് പരാതി നല്‍കിയത്. ഇതിന്റെ അടിസ്ഥാനത്തില്‍ ഐപിസി 376, 354, 352, 506, 294 വകുപ്പുകള്‍ പ്രകാരമാണ് കേസ്  രജിസ്റ്റര്‍ ചെയ്തത്. 10 വര്‍ഷങ്ങള്‍ക്ക് മുമ്പ് തന്നെ ലൈംഗികമായി പീഡിപ്പിച്ചുവെന്ന് പരാതിയില്‍ പറയുന്നത്. എന്നാല്‍ അവള്‍ വളരെ ചെറുപ്പമായിരുന്നതിനാല്‍ പരാതിപ്പെട്ടിരുന്നില്ല യുവതി പറഞ്ഞു.