ബം​ഗളൂരു: കർണാടകയിൽ പുതിയ കോൺ​ഗ്രസ് സർക്കാർ വ്യാഴാഴ്ച സത്യപ്രതിജ്ഞ ചെയ്ത് അധികാരമേൽക്കുമെന്ന് സൂചനകൾ. മുഖ്യമന്ത്രിയും മന്ത്രിമാരും അന്ന് തന്നെ സത്യപ്രതിജ്ഞ ചെയ്യും. 

അതേസമയം ആരാകും മുഖ്യമന്ത്രി എന്നത് ഇപ്പോൾ സസ്പെൻസിലാണ്. സിദ്ധരാമയ്യക്കും ഡികെ ശിവകുമാറിനും വേണ്ടി അണികൾ മുദ്രാവാക്യം വിളികളുമായി രം​ഗത്തിറങ്ങിയതായി റിപ്പോർട്ടുകളുണ്ട്. 

മുഖ്യമന്ത്രി ആരാകണമെന്ന യോ​ഗം നിലവിൽ ബം​ഗളൂരുവിലെ സ്വകാര്യ ഹോട്ടലിൽ നടക്കുകയാണ്. ഈ യോ​ഗത്തിൽ ഇതുസംബന്ധിച്ചു തീരുമാനം എടുക്കുമെന്നു നേതൃത്വം നേരത്തെ വ്യക്തമാക്കിയിരുന്നു. 

പാർട്ടി ദേശീയ അധ്യക്ഷൻ മല്ലികാർജുൻ ഖാർ​ഗെ, സോണിയ ​ഗാന്ധി, രാഹുൽ ​ഗാന്ധി അക്കമുള്ളവർ സത്യപ്രതിജ്ഞയിൽ പങ്കെടുക്കുമെന്ന് റിപ്പോർട്ടുകളുണ്ട്. സഖ്യകക്ഷികൾ ഉൾപ്പെടെയുള്ള പാർട്ടി നേതാക്കൾക്കും സത്യപ്രതിജ്ഞാ ചടങ്ങിൽ പങ്കെടുക്കാൻ ക്ഷണമുണ്ട്.

ഈ വാർത്ത കൂടി വായിക്കൂ 

സിദ്ധരാമയ്യയുമായി ഭിന്നതയില്ലെന്ന് ഡി കെ ശിവകുമാര്‍

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ