ഹൈദരാബാദ്: ഡൽഹിയിൽ നിന്ന് ചെന്നൈയിലേക്ക് സർവീസ് നടത്തിയ ഇൻഡിഗോ വിമാനത്തിൽ പവർ ബാങ്ക് പൊട്ടിത്തെറിച്ച് തീപിടിത്തം. ലഗേജ് കംപാർട്ട്മെന്റിലാണ് തീപിടിത്തമുണ്ടായത്. വൻ സുരക്ഷാ ഭീഷണിയുയർത്തിയ സംഭവത്തെ തുടർന്ന് വിമാനം ഹൈദരാബാദിലേക്ക് തിരിച്ചുവിട്ടു. വിമാനം സുരക്ഷിതമായി തന്നെ ഇറക്കി.
വിമാനത്തിലെ ഓവർഹെഡ് ലഗേജ് കംപാർട്ട്മെന്റിൽ വെച്ചിരുന്ന പവർ ബാങ്കിന്റെ തകരാറിനെ തുടർന്നാണ് തീപിടിച്ചത്. വിമാനത്തിലുണ്ടായിരുന്ന ഒരു യാത്രികൻ തന്റെ മൊബൈൽ ഫോണിൽ പകർത്തിയ വിഡിയോയും പുറത്തുവന്നു. ബാഗുകൾ ഉപയോഗിച്ച് തീകെടുക്കാൻ മറ്റ് യാത്രക്കാർ ശ്രമിക്കുന്ന ദൃശ്യങ്ങൾ ഈ വിഡിയോയിലുണ്ട്.
പിന്നാലെ കാബിൻ ക്രൂ അംഗങ്ങൾ ഫയർ എസ്റ്റിംഗ്വിഷർ ഉപകരണങ്ങൾ കൊണ്ട് തീ പൂർണമായും അണച്ചു. വിമാനത്തിലുണ്ടായിരുന്ന എല്ലാ യാത്രക്കാരും ജീവനക്കാരും സുരക്ഷിതരാണെന്ന് അധികൃതർ അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
