Top 5 News Today

India

ഹിജാബ് അനിവാര്യമല്ലെന്ന് കോടതി, തിരുവോണവും മഴയിൽ മുങ്ങും?, ജാതി സെൻസസ് ചോദ്യാവലി റദ്ദാക്കണമെന്ന് കോൺഗ്രസ്; ഇന്നത്തെ 5 പ്രധാന വാർത്തകൾ‌

ഉമ്മത്തിന്റെ കായും പൂവും വില്‍പനയ്ക്ക്; സ്വിഗ്ഗിയുടെയും ആമസോണിന്റെയും ബിഗ് ബാസ്‌കറ്റിന്റെയും ഫുഡ് ലൈസന്‍സ് റദ്ദാക്കി

Author : സമകാലിക മലയാളം ഡെസ്ക്

Edited By : Jayakumar

Updated:25th Aug, 2026 at 7:50 PM

ഹിജാബ് അനിവാര്യമല്ലെന്നും, യൂണിഫോമിനൊപ്പം അനുവദിക്കാനാവില്ലെന്നും അലഹാബാദ് ഹൈക്കോടതി. ജാതി സെന്‍സസിന്റെ ചോദ്യാവലി റദ്ദാക്കണമെന്ന് കോണ്‍ഗ്രസ്. ഇന്ത്യയ്‌ക്കെതിരെ ശ്രീലങ്ക ഫോളോ ഓണ്‍ ഭീഷണിയില്‍. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം.

Add as a preferred source on Google

ചോദ്യാവലി റദ്ദാക്കണം

രാഹുൽ ഗാന്ധി, മല്ലികാർജുൻ ഖാർഗെ

ജാതി സെന്‍സസിനായി തയ്യാറാക്കിയ ചോദ്യാവലി റദ്ദാക്കണമെന്ന് പ്രധാനമന്ത്രി നരേന്ദ്രമോദിയോട് കോണ്‍ഗ്രസ് ആവശ്യപ്പെട്ടു. ഇക്കാര്യം ചൂണ്ടിക്കാട്ടി കോണ്‍ഗ്രസ് നേതാക്കളായ മല്ലികാര്‍ജുന്‍ ഖാര്‍ഗെ, രാഹുല്‍ഗാന്ധി എന്നിവരാണ് മോദിക്ക് കത്തെഴുതിയത്. രാഷ്ട്രീയ പാര്‍ട്ടികള്‍, വിദഗ്ധര്‍, പൊതുജനങ്ങള്‍ എന്നിവരുമായി കൂടിയാലോചിച്ച് പുതിയ ചോദ്യാവലി തയ്യാറാക്കാനും കത്തില്‍ ആവശ്യപ്പെടുന്നു.

'ഹിജാബ് അനിവാര്യമല്ല'

Hijab

സ്‌കൂള്‍ യൂണിഫോമിനൊപ്പം ഹിജാബ് ധരിക്കാന്‍ അനുവദിക്കണമെന്ന മുസ്ലീം വിദ്യാര്‍ഥിനിയുടെ ആവശ്യം അലഹബാദ് ഹൈക്കോടതി തള്ളി. ഹിജാബ് ധരിക്കുന്നത് ഇസ്ലാം മതാചാരപ്രകാരമുള്ള അനിവാര്യാനുഷ്ഠാനമാണെന്ന് സ്ഥാപിക്കാന്‍ വിദ്യാര്‍ഥിനിക്ക് കഴിഞ്ഞില്ലെന്ന് ചൂണ്ടിക്കാട്ടിയാണ് ഹര്‍ജി തള്ളിയത്. പ്രയാഗ് രാജിലെ ടാഗോര്‍ പബ്ലിക് സ്‌കൂളിലെ പതിനൊന്നാം ക്ലാസ് വിദ്യാര്‍ഥിനി സമര്‍പ്പിച്ച ഹര്‍ജിയാണ് ജസ്റ്റിസ് ജെ.ജെ. മുനീര്‍, ജസ്റ്റിസ് ഇന്ദ്രജിത് ശുക്ല എന്നിവരടങ്ങിയ ബെഞ്ച് തള്ളിയത്.

തിരുവോണവും മഴയില്‍ മുങ്ങും

kerala rain alert

ബംഗാള്‍ ഉള്‍ക്കടലിലെ ന്യൂനമര്‍ദ്ദത്തിന്റെ സ്വാധീനഫലമായി സംസ്ഥാനത്ത് ഇന്ന് എല്ലാ ജില്ലകളിലും പ്രത്യേക മഴ മുന്നറിയിപ്പ്. ഒറ്റപ്പെട്ട തീവ്രവും ശക്തമായ മഴയ്ക്കുള്ള സാധ്യതയാണ് നിലനില്‍ക്കുന്നതെന്ന് കാലാവസ്ഥ വകുപ്പിന്റെ മുന്നറിയിപ്പില്‍ പറയുന്നു. തിരുവോണ ദിവസമായ നാളെയോടെ മഴ ദുര്‍ബലമാകുമെന്നും കാലാവസ്ഥ വകുപ്പ് പറയുന്നു. നാളെ പത്തനംതിട്ട, കോട്ടയം, എറണാകുളം, ഇടുക്കി ജില്ലകളില്‍ മാത്രമാണ് ശക്തമായ മഴയ്ക്കുള്ള സാധ്യത നിലനില്‍ക്കുന്നത്.

'നിങ്ങളുടെ ആശങ്ക മനസ്സിലാക്കുന്നു'

സുപ്രീംകോടതി

അയോധ്യ രാമക്ഷേത്ര സംഭാവനക്കൊള്ളയുമായി ബന്ധപ്പെട്ട വിവരങ്ങള്‍ പുറത്തുകൊണ്ടുവന്ന മാധ്യമപ്രവര്‍ത്തകനെതിരെ അറസ്റ്റ് തടഞ്ഞ് സുപ്രീംകോടതി. റോഡ് അപകടവുമായി ബന്ധപ്പെട്ട തര്‍ക്കത്തിലാണ് മാധ്യമപ്രവര്‍ത്തകന്‍ അഭിഷേക് ഉപാധ്യായക്കെതിരെ ഉത്തര്‍ പ്രദേശ് പൊലീസ് കേസെടുത്തത്. എഫ്‌ഐആര്‍ റദ്ദാക്കണമെന്ന ഉപാധ്യായയുടെ ഹര്‍ജിയില്‍ സുപ്രീംകോടതി യുപി സര്‍ക്കാരിനോട് മറുപടി തേടി.

ഫോളോ-ഓണ്‍ ഭീഷണിയില്‍

India celebrate as Lahiru Udara walks back

ഇന്ത്യയ്ക്കെതിരായ രണ്ടാം ടെസ്റ്റ് മത്സരത്തിന്റെ മൂന്നാം ദിവസം മഴയേത്തുടര്‍ന്ന് നേരത്തെ സ്റ്റംപെടുത്തു. കൊളംബോയില്‍ നടക്കുന്ന മത്സരത്തില്‍ ഫോളോ-ഓണ്‍ ഒഴിവാക്കാനുള്ള ശ്രമത്തിലാണ് ആതിഥേയരായ ലങ്ക. മൂന്നാം ദിവസം കളി അവസാനിക്കുമ്പോള്‍ ശ്രീലങ്ക 73 ഓവറില്‍ 8 വിക്കറ്റ് നഷ്ടത്തില്‍ 240 റണ്‍സ് എന്ന നിലയിലാണ്.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates