ന്യൂഡൽഹി: മുതിർന്ന കോൺഗ്രസ് നേതാവും രാജ്യസഭ എംപിയുമായ രാജീവ് സതാവ് അന്തരിച്ചു. കോവിഡാനന്തര സങ്കീർണതകളെ തുടർന്ന് സ്വകാര്യ ആശുപത്രിയിലാണ് അന്ത്യം. 46 വയസായിരുന്നു.
ഏപ്രില് 22നാണ് ഇദ്ദേഹത്തിന് കോവിഡ് സ്ഥിരീകരിച്ചത്. ആരോഗ്യനില വഷളായതിനെ തുടര്ന്ന് പുനെയിലെ സ്വകാര്യ ആശുപത്രിയിൽ വെന്റിലേറ്ററിന്റെ സഹായത്തോടെ ചികിത്സയിൽ തുടരുന്നതിനിടെയാണ് മരണം സംഭവിച്ചത്.
എഐസിസി അംഗമായ ഇദ്ദേഹം മഹാരാഷ്ട്രയിലെ വിദർഭ മേഖലയിൽ നിന്നാണ് വരുന്നത്. 2014ലെ ലോക്സഭ തെരഞ്ഞെടുപ്പിൽ ഹിഗ്വോളി മണ്ഡലത്തിൽ ശിവസേന നേതാവിനെ തോൽപ്പിച്ചാണ് പാർലമെന്റിൽ എത്തിയത്. നിലവിൽ രാജ്യസഭ അംഗമാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates