ന്യൂഡല്‍ഹി: കോവിഡ് 19 രോഗബാധ വര്‍ധിക്കുന്ന സാഹചര്യത്തില്‍ മേയ് 23ന് നടത്താനിരുന്ന ഫാര്‍മസിസ്റ്റ്, ഡാറ്റാ അനലിസ്റ്റ് തസ്തികകളിലെ പരീക്ഷകള്‍ മാറ്റിവെച്ച് എസ്ബിഐ. പുതുക്കിയ പരീക്ഷാ തീയതി പിന്നീട് പ്രഖ്യാപിക്കും. 

ഓണ്‍ലൈനായി നടത്താനിരുന്ന പരീക്ഷയാണ് മാറ്റിവെച്ചത്. പരീക്ഷയുടെ ഹാള്‍ടിക്കറ്റ് ഇതിനോടകം പ്രസിദ്ധീകരിച്ചിട്ടുണ്ട്. പരീക്ഷയുടേയും അഭിമുഖത്തിന്റേയും അടിസ്ഥാനത്തിലാകും ഈ തസ്തികകളിലെ അന്തിമഫലം പ്രഖ്യാപിക്കുക.

എസ്ബിഐ ജൂനിയര്‍ അസോസിയേറ്റ് തസ്തികയിലേക്ക് അപേക്ഷിക്കാനുള്ള തീയതി ഇന്നുവരെയാണ്. 5,000-ത്തോളം ഒഴിവുകളുള്ള തസ്തികയിലേക്ക് 20-നും 28നും ഇടയില്‍ പ്രായമുള്ളവര്‍ക്ക് അപേക്ഷിക്കാം. കൂടുതല്‍ വിവരങ്ങള്‍ക്ക് വെബ്‌സൈറ്റ് സന്ദര്‍ശിക്കുക