ന്യൂഡല്‍ഹി: പ്രധാനമന്ത്രി നരേന്ദ്രമോദി ഔദ്യോഗിക വസതിയില്‍ രക്ഷാബന്ധന്‍ ആഘോഷിച്ചു. ആഘോഷ ചടങ്ങുകളുടെ ഭാഗമായി പ്രധാനമന്ത്രിയുടെ ഓഫീസിലെ ജീവനക്കാരുടെ പെണ്‍മക്കള്‍ മോദിയുടെ കൈയില്‍ രാഖി കെട്ടി. 

ഇന്ന് രാവിലെയായിരുന്നു ആഘോഷ ചടങ്ങ്. പ്രധാനമന്ത്രിയുടെ ഓഫീസിലെ തൂപ്പുകാര്‍, പ്യൂണ്‍, തോട്ടം ജീവനക്കാര്‍, ഡ്രൈവര്‍മാര്‍ തൊട്ട് വിവിധ രംഗങ്ങളില്‍ ജോലി ചെയ്യുന്നവരുടെ പെണ്‍മക്കളാണ് ആഘോഷത്തില്‍ പങ്കെടുത്തത്. മോദിയുടെ കൈയില്‍ പെണ്‍കുട്ടികള്‍ രാഖി കെട്ടുന്നതും അവരുമായി മോദി കുശലാന്വേഷണം നടത്തുന്നതും ദൃശ്യങ്ങളില്‍ കാണാം. നേരത്തെ രക്ഷാബന്ധനിനോടനുബന്ധിച്ച് മോദി എല്ലാവര്‍ക്കും ആശംസകള്‍ നേര്‍ന്നിരുന്നു.

ഈ വാര്‍ത്ത കൂടി വായിക്കൂ

വിമാനത്തിനുള്ളില്‍ യാത്രക്കാരന്റെ പുകവലി, വീഡിയോ വൈറല്‍: അന്വേഷണത്തിന് ഉത്തരവിട്ട് കേന്ദ്രമന്ത്രി

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ