ന്യൂഡല്ഹി: വളര്ത്തുനായയെ ചൊല്ലിയുള്ള തര്ക്കത്തിനിടെ, വളര്ത്തുനായയുടെ ഉടമയ്ക്ക് നേരെ അയല്വാസി ആസിഡ് ഒഴിച്ചു. പൊള്ളലേറ്റ 50കാരനെ ആശുപത്രിയില് പ്രവേശിപ്പിച്ചു.
ഡല്ഹി ഉത്തം നഗറില് കഴിഞ്ഞ ദിവസം വൈകുന്നേരമാണ് സംഭവം. വളര്ത്തുനായയുടെ മാലിന്യവുമായി ബന്ധപ്പെട്ട തര്ക്കമാണ് ആക്രമണത്തില് കലാശിച്ചത്.
വളര്ത്തുനായയുമായി 50കാരന് നടക്കുമ്പോഴാണ് അയല്വാസി പ്രശ്നം ഉണ്ടാക്കിയത്. വളര്ത്തുനായയുടെ മാലിന്യവുമായി ബന്ധപ്പെട്ട് അയല്വാസിയായ കമല് 50കാരനുമായി വഴക്കിടുകയായിരുന്നു. തങ്ങളുടെ വീടിന് പുറത്ത് വളര്ത്തുനായ മലമൂത്ര വിസര്ജ്ജനം നടത്തുന്നു എന്ന് പറഞ്ഞ് കമലും കുടുംബവും പ്രശ്നം ഉണ്ടാക്കുകയായിരുന്നുവെന്ന് പൊലീസ് പറയുന്നു.
ഇതിനെ ചൊല്ലി കമലിന്റെ രണ്ടു മക്കള് 50കാരനുമായി വഴക്കിട്ടു. അതിനിടെ വീടിന്റെ ഒന്നാം നിലയില് നിന്ന് കമല് 50കാരന് നേരെ ആസിഡ് ഒഴിക്കുകയായിരുന്നു. സംഭവത്തില് മൂന്ന് പേരെ അറസ്റ്റ് ചെയ്തതായും അന്വേഷണം ആരംഭിച്ചതായും പൊലീസ് പറഞ്ഞു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates