പുതുച്ചേരി: പുതുച്ചേരിയിലെ മണക്കുള വിനായകര് ക്ഷേത്രത്തിലെ ആന, ലക്ഷ്മി ഹൃദയാഘാതത്തെ തുടര്ന്ന് ചരിഞ്ഞു. 1995ല് ഒരു പ്രമുഖ വ്യവസായിയാണ് ആനയെ ക്ഷേത്രത്തില് നടയിരുത്തിയത്. വളരെ സൗമ്യമായ പെരുമാറ്റത്തിനുടമയായ ലക്ഷ്മി ക്ഷേത്രത്തിലെത്തുന്നവരുടെ പ്രിയങ്കരിയായിരുന്നു.
പ്രഭാതസവാരിക്കായി പാപ്പാന് പുറത്തിറക്കിയപ്പോള് ആന കുഴഞ്ഞുവീഴുകയായിരുന്നു. ഉടന് തന്നെ വെറ്ററിനറി ഡോക്ടര്മാര് എത്തിയെങ്കിലും ജീവന് രക്ഷിക്കാനായില്ല. ആന ആരോഗ്യവതിയായിരുന്നെന്നും പെട്ടന്നുള്ള ഹൃദയാഘാതമാണ് മരണകാരണമെന്നും ഡോക്ടര് പറഞ്ഞു.
ലക്ഷ്മിയുടെ വിയോഗ വാര്ത്ത സാമൂഹികമാധ്യമത്തിലൂടെ വ്യാപകമായി പ്രചരിച്ചതോടെ നൂറുകണക്കിന് ഭക്തരാണ് ക്ഷേത്രത്തിലേക്ക് ഓടിയെത്തിയത്. ലഫ്റ്റന്റ് ഗവര്ണര് തമിഴിസൈ സൗന്ദരരാജന് ഉള്പ്പെടെ നിരവധി ആളുകള് ആദരാഞ്ജലികള് അര്പ്പിച്ചു. ആന സ്വന്തമായുള്ള പുതുച്ചേരിയിലെ ഏക അമ്പലമായിരുന്നു മണക്കുള വിനായകര് ക്ഷേത്രം.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates