ന്യൂഡല്ഹി: അമ്മയെ നിരന്തരം ഉപദ്രവിച്ച മുന് കേന്ദ്രസര്ക്കാര് ജീവനക്കാരനെ പൊലീസ് അറസ്റ്റ് ചെയ്തു. വയോധികയായ അമ്മയുടെ നേര്ക്ക് മൂത്തമകന് തുപ്പുന്നത് ഇളയ മകന് ക്യാമറയില് പകര്ത്തി പൊലീസിനെ ഏല്പ്പിക്കുകയായിരുന്നു.
ഡല്ഹിയിലാണ് സംഭവം. കേന്ദ്ര മന്ത്രാലയത്തില് സെക്ഷന് ഓഫീസറായി ജോലി ചെയ്തിരുന്ന അനില് പാണ്ഡെയ്ക്കെതിരെയുള്ള ഇളയ സഹോദരന്റെ പരാതിയിലാണ് പൊലീസ് കേസെടുത്തത്. മൂത്തമകനായ അനില് പാണ്ഡെയ്ക്കൊപ്പമാണ് 81 വയസുകാരിയായ അമ്മ താമസിക്കുന്നത്.
81കാരിയുടെ നേര്ക്ക് അനില് തുപ്പുന്നത് ഇളയ സഹോദരന് രഹസ്യമായി ക്യാമറയില് പകര്ത്തുകയായിരുന്നു. തുടര്ന്ന് വീഡിയോയുമായി ഇളയ സഹോദരന് പൊലീസിനെ സമീപിച്ചു. താമസിക്കുന്ന വീട് അമ്മയുടെ പേരിലാണെന്ന് ഇളയ സഹോദരന് പൊലീസിനെ ധരിപ്പിച്ചു.
അമ്മയ്ക്ക് വാര്ധക്യസഹജമായ ശാരീരിക ബുദ്ധിമുട്ടുകള് ഉണ്ട്. സംസാരിക്കാന് കഴിയില്ല. മറ്റൊരാളുടെ സഹായമില്ലാതെ ഒറ്റയ്ക്ക് എഴുന്നേറ്റ് നില്ക്കാന് പോലും കഴിയില്ല. അതിനിടയിലും അനില് പാണ്ഡെ അമ്മയെ ഉപദ്രവിച്ചതായി ഇളയ സഹോദരന് പരാതിയില് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates