മുംബൈ: മുൻ മിസ്റ്റർ ഇന്ത്യ മനോജ് പാട്ടീൽ (29) ജീവനൊടുക്കാൻ ശ്രമിച്ചു. ഓഷിവാരയിലെ വീട്ടിൽ ഇന്നലെ അർധരാത്രിയാണ് സംഭവം. കൂപ്പർ സർക്കാർ ആശുപത്രിയിൽ ചികിത്സയിലാണ് മനോജ് ഇപ്പോൾ.  

ഉറക്ക​ഗുളികകൾ കഴിച്ച ആത്മഹത്യ ചെയ്യാൻ ശ്രമിച്ച മനോജിനെ ബന്ധുക്കളാണ് ആശുപത്രിയിലെത്തിച്ചത്. അദ്ദേഹത്തിന്റെ നില ഗുരുതരമായി തുടരുകയാണ്. 

ഒരു ബോളിവുഡ് നടൻ തന്നെ അപമാനിച്ചെന്നും കായിക ജീവിതം തകർക്കാൻ ശ്രമിക്കുന്നെന്നും ആരോപിച്ച് അടുത്തിടെ മനോജ് പൊലീസിൽ പരാതി നൽകിയിരുന്നു. അതേസമയം പരാതിയിൽ പൊലീസ് ഇതുവരെയും കേസെടുത്തിട്ടില്ല. ആശുപത്രിയിലെത്തി മനോജിൽ നിന്ന് വിവരങ്ങൾ ശേഖരിക്കുമെന്നും നടപടി സ്വീകരിക്കുമെന്നും പൊലീസ് പറഞ്ഞു. 

2016ലാണ് മനോജ് പാട്ടീൽ മിസ്റ്റർ ഇന്ത്യയായി തിരഞ്ഞെടുക്കപ്പെട്ടത്.