ന്യുഡല്‍ഹി: മുന്‍ മുഖ്യതെരഞ്ഞെടുപ്പ് കമ്മീഷണര്‍ നവീന്‍ ചൗള അന്തരിച്ചു. 79 വയസ്സായിരുന്നു. അപ്പോളോ ആശുപത്രിയില്‍ ചികിത്സയ്ക്കിടെയായിരുന്നു അന്ത്യമെന്ന് മുന്‍ മുഖ്യ തെരഞ്ഞെടുപ്പ് കമ്മീഷണര്‍ ഡോ. എസ് വൈ ഖുറേഷി അറിയിച്ചു.

' അദ്ദേഹം ഇന്ന് രാവിലെ അപ്പോളോ ആശുപത്രിയില്‍ വച്ച് മരിച്ചു. ചൗളയുടെ വിയോഗത്തില്‍ അനുശോചനം അറിയിക്കുന്നു. അദ്ദേഹത്തിന്റെ ആത്മാവിന് നിത്യശാന്തി നേരുന്നു' ഖുറേഷി എക്‌സില്‍ കുറിച്ചു. പത്തുദിവസം മുന്‍പ് അദ്ദേഹത്തെ തലച്ചോറിന്റെ ശസ്ത്രക്രിയക്കായി ആശുപത്രിയില്‍ പ്രവേശിപ്പിച്ചിരുന്നു. അന്ന് താന്‍ അദ്ദേഹത്തെ കണ്ടപ്പോള്‍ ഏറെ സന്തോഷവാനായിരുന്നെന്നും ഖുറേഷി കൂട്ടിച്ചേര്‍ത്തു.

മഹാ കുംഭമേളയ്ക്ക് പോകുന്നവര്‍ക്ക് ആശ്വാസം; വിമാന ടിക്കറ്റ് നിരക്കില്‍ 50 ശതമാനം ഇളവ്

ഇന്ത്യയുടെ പതിനാറാമത്തെ മുഖ്യ തെരഞ്ഞെടുപ്പ് കമ്മീഷണറായിരുന്നു നവീന്‍ ചൗള. ബിബി ടണ്ടന്റെ പിന്‍ഗാമിയായി എത്തിയ ചൗള 2009 മുതല്‍ 2010വരെയായിരുന്നു ഇന്ത്യന്‍ മുഖ്യതെരഞ്ഞെടുപ്പ് കമ്മീഷണറായി പ്രവര്‍ത്തിച്ചത്.