ഹൈദരാബാദ്: വോട്ടവകാശം വിനിയോഗിക്കുന്നില്ലെങ്കില്, നിങ്ങള്ക്ക് ചോദ്യം ചെയ്യാന് അവകാശമില്ലെന്ന് മുന് ഇന്ത്യന് ക്യാപ്റ്റനും കോണ്ഗ്രസ് നേതാവുമായ മുഹമ്മദ് അസ്ഹറുദ്ദീന്. ഹൈദരാബാദില് വോട്ടു രേഖപ്പെടുത്തിയശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
നിയമസഭ തെരഞ്ഞെടുപ്പില് എല്ലാ ജനങ്ങളും വോട്ടു ചെയ്യണമെന്നും അസ്ഹറുദ്ദീന് ആവശ്യപ്പെട്ടു. തെലങ്കാന നിയമസഭ തെരഞ്ഞെടുപ്പില് ജൂബിലി ഹില്സ് നിയമസഭ മണ്ഡലത്തില് കോണ്ഗ്രസ് സ്ഥാനാര്ത്ഥിയാണ് അസ്ഹറുദ്ദീന്. 2018 ലെ തെരഞ്ഞെടുപ്പില് ജൂബിലി ഹില്സ് മണ്ഡലത്തില് ബിആര്എസ് ആണ് വിജയിച്ചത്.
ഇത്തവണ മണ്ഡലം തിരിച്ചുപിടിക്കുക ലക്ഷ്യമിട്ടാണ് കോണ്ഗ്രസ് അസ്ഹറുദ്ദീനെ സ്ഥാനാര്ത്ഥിയാക്കിയത്. നിലവിലെ എംഎല്എ മങ്കാട്ടി ഗോപിനാഥിനെ തന്നെയാണ് ബിആര്എസ് സ്ഥാനാര്ത്ഥിയാക്കിയിട്ടുള്ളത്. ലങ്കാല ദീപക് കുമാറാണ് ബിജെപി സ്ഥാനാര്ത്ഥി.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates