ഭോപാൽ: മധ്യപ്രദേശിൽ ഹോട്ടലുടമ വീട്ടിനുള്ളിൽ ആത്മഹത്യ ചെയ്‌തനിലയിൽ. 30-ാമത്തെ വയസ്സിൽ ആത്മഹത്യ ചെയ്യുമെന്ന് ഒൻ‌പത് വർഷം മുൻപേ തീരുമാനിച്ചിരുന്നതായി യുവാവിന്റെ ആത്മഹത്യ കുറിപ്പിൽ പറയുന്നു. അതിനായി ഏഴ് വര്‍ഷം മുന്‍പ് തോക്ക് വാങ്ങി. ഏഴ് പേജുള്ള ആത്മഹത്യ കുറിപ്പ് എഴുതി വെച്ചിട്ടാണ് യുവാവ് ആത്മഹത്യ ചെയ്‌തത്. വ്യാഴാഴ്‌ചയാണ് സംഭവം.

30 വയസു വരെ മാത്രമേ താന്‍ ജീവിക്കൂ എന്ന് ഒന്‍പത് വര്‍ഷം മുന്‍പേ തീരുമാനിച്ചതാണെന്നും ജീവിതത്തിൽ ബുദ്ധിമുട്ടുകളുണ്ടായിരുന്നില്ലെന്നും മരണത്തില്‍ മറ്റാരും ഉത്തരവാദികളല്ലെന്നും ആത്മഹത്യ കുറിപ്പില്‍ യുവാവ് പറഞ്ഞു. ഹിരാ നഗറിലുള്ള അദ്ദേഹത്തിന്റെ വീട്ടില്‍ വെടിയേറ്റ് രക്തം വാര്‍ന്ന നിലയിലായിരുന്നു മൃതദേഹം. 2016ല്‍ സ്വയം രക്ഷയ്ക്ക് വാങ്ങിയ തോക്കും മൃതദേഹത്തിന് അരുകില്‍ നിന്നും പൊലീസ് കണ്ടെത്തി. 

കരുതികൂട്ടിയുള്ള ആത്മഹത്യയാണെന്നാണ് പൊലീസിന്റെ പ്രാഥമിക നിഗമനം. ആത്മഹത്യ കുറിപ്പ് വായിച്ചതിൽ നിന്നും യുവാവ് കടുത്ത മാനസിക പ്രശ്നങ്ങൾ നേരിട്ടിരുന്നു എന്ന് കരുതുന്നുവെന്നും പൊലീസ് പറഞ്ഞു. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചു. 

ഈ വാര്‍ത്ത കൂടി വായിക്കൂ 

ജി 20 ഉച്ചകോടി നാളെ ആരംഭിക്കും; ജോ ബൈഡൻ മോദി കൂടിക്കാഴ്‌ച ഇന്ന് 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ