ബംഗളൂരു: കര്‍ണാടകയിലും തമിഴ്‌നാട്ടിലും കോവിഡ് വ്യാപനം രൂക്ഷമായി തുടരുന്നു. കര്‍ണാടകയില്‍ പ്രതിദിന രോഗികള്‍ 41,000 കടന്നു. ഇന്ന് 41,457 പേര്‍ക്കാണ് വൈറസ് ബാധ. 20 പേര്‍ മരിച്ചതായി ആരോഗ്യമന്ത്രി ഡോ. കെ സുധാകര്‍ പറഞ്ഞു.

കുടുതല്‍ രോഗികള്‍ ബംഗളുരുവിലാണ്. 25,595 പേര്‍ക്കാണ് കോവിഡ്. സംസ്ഥാനത്തെ ടിപി ആര്‍ നിരക്ക് 22.30 ആണ്. രണ്ട് ദിവസത്തിനുള്ളില്‍ 15,000ത്തിലധികം പേരാണ് രോഗബാധിതര്‍.

തമിഴ്‌നാട്ടില്‍ ഇന്ന് 23,888 പേര്‍ക്കാണ് കോവിഡ് സ്ഥിരീകരിച്ചത്. 29 പേര്‍ മരിച്ചു. സംസ്ഥാനത്ത് ചികിത്സയിലുള്ളവരുടെ എണ്ണം 1,61,171 ആയി. ചെന്നൈയിലാണ് കൂടുതല്‍ പേര്‍ക്ക് രോഗം.