ന്യൂഡല്ഹി : അതിവേഗ വൈറസ് രാജ്യത്ത് കണ്ടെത്തിയ സാഹചര്യത്തില് ജാഗ്രത കര്ശനമാക്കണമെന്ന് കേന്ദ്രസര്ക്കാര് സംസ്ഥാനങ്ങളോട് ആവശ്യപ്പെട്ടു. പുതുവല്സരാഘോഷം സൂപ്പര് സ്പ്രെഡര് ആകാതിരിക്കണമെന്നും, അതിനായി കടുത്ത നിയന്ത്രണവും ജാഗ്രതയും വേണമെന്നും കത്തില് വ്യക്തമാക്കുന്നു.
കേന്ദ്ര ആരോഗ്യവകുപ്പ് സെക്രട്ടറി രാജേഷ് ഭൂഷണ് ആണ് സംസ്ഥാനസര്ക്കാരുകള്ക്ക് നിര്ദേശം നല്കിയത്. അതിവേഗ കോവിഡ് വൈറസ് രാജ്യത്ത് കണ്ടെത്തിയ പശ്ചാത്തലത്തില് മഹാരാഷ്ട്ര സര്ക്കാര് സംസ്ഥാനത്ത് കോവിഡ് നിയന്ത്രണങ്ങള് ജനുവരി 31 വരെ നീട്ടി.
മഹാരാഷ്ട്രയില് കഴിഞ്ഞ രണ്ടുമാസമായി കോവിഡ് വ്യാപനത്തില് വളരെ കുറവുണ്ട്. കഴിഞ്ഞ 25 ദിവസമായി സംസ്ഥാനത്ത് 5000 ല് താഴെ പുതിയ കേസുകള് മാത്രമാണ് റിപ്പോര്ട്ട് ചെയ്തിട്ടുള്ളത്. എങ്കിലും മുന്കരുതലുകള് ശക്തമാക്കാന് സര്ക്കാര് നിര്ദേശിച്ചു.
ബ്രിട്ടനില് പടരുന്ന ജനിതക വകഭേദം വന്ന കോവിഡ് വൈറസ് രാജ്യത്ത് കണ്ടെത്തിയ സാഹചര്യത്തില്, ഇംഗ്ലണ്ടിലേക്കും തിരിച്ചുമുള്ള വിമാനങ്ങള്ക്ക് ഏര്പ്പെടുത്തിയ വിലക്ക് കേന്ദ്രസര്ക്കാര് നീട്ടിയിട്ടുണ്ട്. ജനുവരി ഏഴു വരെയാണ് വിലക്ക് നീട്ടിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates