ഭുവനേശ്വര്‍: ഒഡീഷയില്‍ ഉപയോഗശൂന്യമായ സെപ്റ്റിക് ടാങ്കില്‍ മുട്ടയിട്ട് അട ഇരിക്കുന്ന എട്ടടിവീരനെ കണ്ടെത്തി. പാമ്പ് പിടിത്തക്കാരുടെ സഹായത്തോടെ മൂന്ന് പാമ്പുകളെ പിടികൂടി കാട്ടില്‍ വിട്ടയച്ചു.

കട്ടക്ക് ജില്ലയിലാണ് സംഭവം. ഉപയോഗശൂന്യമായ സെപ്റ്റിക് ടാങ്കില്‍ പാമ്പ് നാട്ടുകാരുടെ ശ്രദ്ധയില്‍പ്പെടുകയായിരുന്നു. വിവരം അറിഞ്ഞ് സ്ഥലത്തെത്തിയ പാമ്പ് പിടിത്തക്കാരാണ് മൂന്ന് പാമ്പുകളെ പിടികൂടിയത്. മുട്ട വിരിയ്ക്കാന്‍ അട ഇരിക്കുന്ന നിലയിലാണ് പാമ്പുകളെ കണ്ടത്. തുടര്‍ന്ന് ഇവയെ കാട്ടില്‍ വിട്ടയച്ചു. മുട്ടകള്‍ കൃത്രിമമായി വിരിയ്ക്കുന്നതിന് പ്രത്യേക കേന്ദ്രത്തിലേക്ക് മാറ്റി.