ശ്രീന​ഗർ: കനത്ത മഴയെ തുടർന്നുണ്ടായ മണ്ണിടിച്ചിലിൽ ജമ്മു-ശ്രീന​ഗർ ദേശീയപാതയുടെ ഭാ​ഗം ഒലിച്ചുപോയി. ദേശീയ പാതയിൽ രണ്ട് ടണലുകൾ തമ്മിൽ ബന്ധിപ്പിക്കുന്ന റോഡാണ് ഒലിച്ചുപോയത്. 

റാമ്പൻ ജില്ലയുടെ വിവിധ ഭാഗങ്ങളിൽ മണ്ണിടിച്ചിൽ ഉണ്ടായി. റോഡ് തകർന്നു വീഴുന്ന വിഡിയോ സോഷ്യൽമിഡിയോയിൽ വ്യാപകമായി പ്രചരിക്കുന്നുണ്ട്. ജമ്മുവിൽ കനത്ത മഴ തുടരുകയാണ്. റോ​ഡിന്റെ തകർന്ന ഭാ​ഗങ്ങൾ നന്നാക്കാനുള്ള നടപടി പുരോ​ഗമിക്കുകയാണെന്ന് ജമ്മുവിലെ ട്രാഫിക് ഉദ്യോ​ഗസ്ഥൻ പറഞ്ഞു.

ജമ്മു കശ്മീരിലെ ഒട്ടേറെ പ്രധാന റോഡുകളിൽ ഗതാഗതം തടസ്സപ്പെട്ടു. റോഡുകൾ ഗതാഗത യോഗ്യമാക്കുന്നതുവരെ ഇതുവഴിയുള്ള യാത്ര ഒഴിവാക്കണമെന്ന് നിർദ്ദേശമുണ്ട്. ജമ്മുകശ്‌മീരിൽ ഞായറാഴ്‌ച വരെ ഇടിമിന്നലോടു കൂടിയ മഴ തുടരുമെന്നാണ് കാലാവസ്ഥ വകുപ്പിന്റെ പ്രവചനം.

ഈ വാര്‍ത്ത കൂടി വായിക്കൂ 

രാവിലെ 6.40ന് കര്‍ഷകര്‍ക്കൊപ്പം പാടത്ത് ഇറങ്ങി ഞാറ് നട്ട് രാഹുല്‍-വീഡിയോ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ