കുല്‍ഗാം ആക്രമണം നടത്തിയ ഭീകരരെ വധിച്ചു പ്രതീകാത്മക ചിത്രം
India

തിരിച്ചടിച്ച് സൈന്യം; കുല്‍ഗാം ആക്രമണം നടത്തിയ ഭീകരരെ വധിച്ചു; കൊല്ലപ്പെട്ടവരില്‍ സൂത്രധാരന്‍ ലത്തീഫ് ഭട്ടും

ഇന്നലെ രാത്രി തുടങ്ങിയ ഓപ്പറേഷനിലാണ് ഭീകരരെ കൊലപ്പെടുത്തിയത്.

Author : സമകാലിക മലയാളം ഡെസ്ക്
Edited By : Sujith

ശ്രീനഗര്‍: ജമ്മു കശ്മീരിലെ കുല്‍ഗാമില്‍ സിആര്‍പിഎഫ് ക്യാംപിന് നേരെ ആക്രമണം നടത്തിയ രണ്ട് ലഷ്‌കര്‍ ഭീകരെ സൈന്യം വധിച്ചു. ആക്രമണത്തിന്റെ സൂത്രധാരന്‍ ലത്തീഫ് ഭട്ടും കൊല്ലപ്പെട്ടവരില്‍ ഉള്‍പ്പെടുന്നു. ഇന്നലെ രാത്രി തുടങ്ങിയ ഓപ്പറേഷനിലാണ് ഭീകരരെ കൊലപ്പെടുത്തിയത്.

കുല്‍ഗാം സ്വദേശിയായ ഭട്ട് ആണ് ഭീകരര്‍ക്ക് ആവശ്യമായ സഹായങ്ങള്‍ നല്‍കിയത്. തെക്കന്‍ കശ്മീരിലെ വിവിധ ഒളിത്താവളങ്ങള്‍ മാറിമാറി ഉപയോഗിച്ച് ഭട്ട് പാകിസ്ഥാന്‍ ഭീകരര്‍ക്കൊപ്പം പ്രവര്‍ത്തിച്ചുവരികയായിരുന്നുവെന്ന് സൈനിക വൃത്തങ്ങള്‍ അറിയിച്ചു. ജൂലൈ 22-ന് അനന്ത്നാഗിലെ ലാല്‍ ചൗക്ക് മേഖലയില്‍ ഒരു പൊലീസ് കോണ്‍സ്റ്റബിളിനെ കൊലപ്പെടുത്തിയതും ജൂലൈ 31-ന് കുല്‍ഗാമില്‍ അതിഥി തൊഴിലാളികളെ കൊലപ്പെടുത്തിയതും ഉള്‍പ്പെടെ 2026-ല്‍ നടന്ന നിരവധി ഭീകരാക്രമണങ്ങളില്‍ ഭട്ടിന് പങ്കുണ്ടെന്ന് കണ്ടെത്തിയിരുന്നു.

കഴിഞ്ഞയാഴ്ചായണ് ജമ്മു കശ്മീരിലെ കുല്‍ഗാമില്‍ സിആര്‍പിഎഫ് ക്യാംപിന് നേരെ ഭീകരാക്രമണം ഉണ്ടായത്.. മൂന്ന് ജവാന്മാര്‍ക്ക് പരിക്കേല്‍ക്കുകയും ചെയ്തിരുന്നു. മിര്‍ ബസാറിനു സമീപം അഖ്‌റാനിലെ സിആര്‍പിഎഫ് ക്യാംപിനുനേരെയാണ് ആക്രമണമുണ്ടായത്. ബൈക്കിലെത്തിയ ഭീകരരരായിരുന്നു ആക്രമണം നടത്തിയത്.

ആക്രമണത്തിന് ശേഷം ഭീകരര്‍ ബൈക്ക് ഉപേക്ഷിച്ച് കടന്നുകളയുകയായിരുന്നു. ദിവസങ്ങള്‍ നീണ്ട തിരച്ചിലിനൊടുവിലാണ് സുരക്ഷാ സേന ഭീകരരെ കൊലപ്പെടുത്തിയത്. ഭീകരാക്രമണത്തില്‍ രാകേഷ് ദാസ്, സന്തോഷ് ചന്ദ്രു, സോംവീര്‍ സിങ് എന്നിവര്‍ക്കാണ് പരിക്കേറ്റത്.

കഴിഞ്ഞ മാസം ഛത്തീസ്ഗഡിലും ഐഇഡി സ്‌ഫോടനത്തില്‍ നാല് സിആര്‍പിഎഫ് ഉദ്യോഗസ്ഥര്‍ക്കു പരുക്കേറ്റിരുന്നു. സുക്മ ജില്ലയിലെ അലര്‍മെഡ്ഗു ക്യാംപില്‍ സ്‌ഫോടക വസ്തുക്കള്‍ നിര്‍വീര്യമാക്കുന്നതിനിടെ ആയിരുന്നു സംഭവം.

Lashkar terrorist Latief Bhat and an associate of his, linked to last week's terror attack on a CRPF camp, were killed in an encounter in Kulgam in Jammu and Kashmir.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

നൃത്തമോ പാട്ടോ പാടില്ലെന്ന് പറയാനാകുമോ? ഡിജെ പാര്‍ട്ടികളെ ലക്ഷ്യംവെയ്ക്കുന്നത് എന്തിന്?; മുന്‍വിധി വേണ്ടെന്ന് ഹൈക്കോടതി

സച്ചിനൊപ്പം 'ഗല്ലി ക്രിക്കറ്റ്' കളിച്ച് വില്യം രാജകുമാരനും കെയ്റ്റ് രാജകുമാരിയും! (വിഡിയോ)

പൂനെ - എറണാകുളം, രാമേശ്വരം - മംഗളൂരു എക്സ്പ്രസ് ട്രെയിനുകൾക്ക് നീലേശ്വരത്ത് സ്റ്റോപ്പ്

യഹൂദ കേന്ദ്രങ്ങൾ നിരീക്ഷിച്ച കേസിൽ പിടിയിലായ യുവാവിനെ കേരളത്തിലെത്തിച്ചു; ബിഷ്ണോയ് സംഘവുമായുള്ള ബന്ധം അന്വേഷിച്ച് പൊലീസ്

'പാക് താരങ്ങള്‍ തെറിയോട് തെറി; ഫൈനലില്‍ തീർത്തുകൊടുത്തു!'